Endamálið var at tryggja frið í Evropa

15-01-2019

Høvuðsendamálið við ES var at forða fyri kríggi, sigur Hans Andrias Sølvará, søgufrøðingur. Grundarlagið verður neyvan skaka av brexit, heldur hann

ES-samstarvið byrjaði formliga í 1951 sum ein Kol- og Stáluniónin, og samstarvið varð stovna av teimum seks londunum Belgia, Frakland, Holland, Italia, Luksemburg og Týskland.

Avtalan var ein handilsavtala, men høvuðsendamálið var sum heild var at forða fyri kríggi, og at tryggja frið í Evropa, vísur Hans Andrias Sølvará, søgufrøðingur á.

Bretland var ikki millum tey seks londini, sum stovnaðu ES, og eitt møguligt brexit fer neyvan at skaka grundarlagið undir ES, tí undirtøkan fyri ES er framvegis stór, heldur Hans Andrias Sølvará.

Nón hevur tosað við Hans Andrias Sølvará um søguna handan ES, hvussu ES hevur ment seg gjøgnum tíðina, hvørji argument hava verið fyri og ímóti ES, og hvønn týdning Brexit kann fáa fyri ES.

Nón

Sending, sum var at hoyra í útvarpinum frá 2017-2022. Nón er løtan á degnum um trítíðina seinnapart. Nón er eisini ein sending í útvarpinum, har karmurin er mentan og samfelag.

HB-húsið var sum eitt annað heim

Gamla HB-húsið við Niðaravøll í Gundadali verður tikið niður. Vit hitta tveir erka HB-arar, sum hugleiða um húsið, ið var karmur um eina mentanarsøgu í Havn

16-06-2022