Skrá Sjón

Heimafimleikur við Sofia Åhman.
Rørsluvenjingar.

Í Føroyum íðka 2.200 fólk hondbólt, og alsamt fleiri spælarar fara uttanlands at royna hondbóltseydnuna.

Tveir teirra eru tann 19 ára gamla, Rakul Wardum, og tann 16 ára gamli, Óli Mittún.

Rakul fór longu sum 16 ára gomul niður á Skanderborg Elite Håndboldakademi og spælir nú við Ajax í Keypmannahavn, og Óli Mittún skrivaði í mars í ár undir sáttmála við svenska meistaraliðið, Sävehoff.

Í sendingini greiða tey frá sínum dreymum um framtíðina og umrøða eisini tann longsul, sum kann gera um seg, tá ungfólk flyta burtur.

Uni Arge leggur til rættis og Mathias Dimon Næs setti saman.

Amerikanska Emily Walker (Diane Keaton) er flutt til London, eftir at maðurin doyði og hevur úr nýggja bústaði sínum útsýni til friðsæla Hampstead Heath. Ein dagin sær hon, at serlingurin Donald (Brendan Gleeson), sum býr í einum primitivum sjálvbygdum húsum í skóginum, verður álopin. Emily kemur Donaldi til hjálpar og uppdagar, at hesin excentriski maðurin er rættiliga sjarmerandi. Tá Hampstead Heath og húsini hjá Donaldi verða hótt av stórari nýbygging, setir Emily sær fyri at hjálpa honum. Í høvuðsleiklutinum er Oscar-vinnandi sjónleikarin Diane Keaton (Mig og Annie, Manhattan).
Uppr.h.: Hampstead
Leikarar: Emily Walters: Diane Keaton, Donald Horner: Brendan Gleeson og Philip: James Norton. Við eru eisini: Fiona: Lesley Manville. Steve Crowley: Alistair Petrie. James Smythe: Jason Watkins. Dómari: Simon Callow. Handrit: Robert Festinger. Leikstj.: Joel Hopkins.
Framl. ár: 2017

Tann ungi smáklombruti bretin Eddie Edwards (Taron Egerton) hevur ein stóran dreym um at luttaka í Olympisku leikunum. Hann er ikki beinleiðis kringur í nakrari ítróttargrein, men hugsar, at tað man bera til at sleppa við til vetrar-Ol. Hann satsar upp á skíðlop og fer til Týsklands, har hann byrjar at venja hjá tí gronuta og vátliga fyrrverandi skíðleyparanum Bronson Peary (Hugh Jackman). Man Eddie megna at kvalifisera seg til OL í Calgary? Filmurin byggir á sonnu søguna um kendasta skíðleyparan í bretskari ítróttarsøgu.
Við eru: Eddie Edwards: Taron Egerton, Bronson Peary: Hugh Jackman og Warren Sharp: Christopher Walken. Harafturat eru: Richmond: Mark Benton. Terry: Keith Allen. Janette Edwards: Jo Hartley. Target: Tim McInnerny. Handrit: Sean Macaulay og Simon Kelton. Leikstj.: Dexter Fletcher.
Framl.ár: 2016
Aldursmark: 7

Um professionella leigumordaran Henry Brogan (Will Smith) sum drepur fólk, sum amerikanska stjórnin vil hava burturbeind. Hann er 50, og hevur hug at gevast. Men er onkur úti eftir honum? Og ber tað til at sleppa livandi úr hesum vandaarbeiði?
Leikarar: Henry Brogan: Will Smith, Danny Zakarweski: Mary Elizabeth Winstead og Clay Verris: Clive Owen. Við eru eisini: Jack Willis: Douglas Hodge. Baron: Benedict Wong. Del Patterson: Ralph Brown. Handrit: David Benioff og Billy Ray. Instruktion: Ang Lee.
Framl. ár: 2019
Aldursmark: 15