Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Mouk og Uki.
"Snipp snapp" er hvørt mikukvøld, hóskvøld og um vikuskiftið.

Í Gula skúla eru 47 næmingar. Hetta eru næmingar, ið onkursvegna ikki hava trivist í føroyska fólkaskúlanum. Tey eru í aldrinum 10-19 ára gomul. Í Gula skúla er ein øðrvísi tímatalva, og næmingarnir velja eftir áhuga, hvat teir gera ein part av degnum. Vit hitta Evu og David, sum fluttu skúla og ganga nú í bláu stovu í Gula skúla. Her trívast tey væl og hava ein stuttligan og áhugaverdan gerandisdag.

Hyggjari fær nýggjan stíl.

Fylg við í ferðini frá Smygehuk til norðasta endan á almennum vegi í Svøríki.
Ein ferð, har vit møta ljósinum og várinum.

Hátíðarguðstænasta, nýggj urga.

Urtagarðsrøðin er frá 2004.
Trý evni eru á skránni, fyrst vitja vit á Royndarstøðini í Kollafirði, har tey einar tvær ferðir um árið gera kanningar av mold, sum bóndur, jarðareigarar og urtagarðsfólk senda inn til teirra at kanna. Hetta gera tey fyri at vita, hvussu tey skulu taða moldina. Royndarstøðin kannar hana so fyri m.a. súrevni, kálk og kalium. Á Royndarstøðini hava tey í fleiri ár kannað, hvørji eplasløg egna seg best at seta niður, hvussu tey smakka, hvørji goymast væl og hvørji sløg klára seg best móti ymiskum eplasjúkum, eitt nú svartaspillu. Tað er Peter Haar, sum hevur gjørt kanningarnar, hann fer eisini at geva okkum góð ráð.
Triðja evnið í sendingini er ein nýggj sniglafella, sum Sámal Patursson í Kirkjubø hevur sett upp við góðum úrsliti.

Lagt til rættis:
Bergljót D. Hentze

Upptøkur og sett saman:
Ragnar C. Joensen

Símun Johan Wolles var bátasmiðjur, hetta starv tók hann eftir sín. Í sendingini verður prátað við hann um m.a. amboð sum verða nýtt til bátasmíð.
Lagt til rættis: Finnbogi Ísakson.

Noman programmleiðari bjóðar fýra muslimskum kendum til ramadandøgurða. Kring borðið práta tey m.a. um persónliga trúgv og koronufarsóttina.
Gestir: Iman Meskini, Yama Wolasmal , Rawdah Mohamed og Abubakar Hussain.

Tey fýra pørini koma til Kramnitse á Lollandi. Í hesi vikuni skulu tey innrætta tað fyrsta rúmið, soviverilsið.
Vertur: Pelle Emil Rex Hebsgaard. Dómarar: Camilla Kjems og Jacob Carlsson.
3. umfar
Partur: 1.
Framl. ár: 2022
Framl.: Strong Productions

Tobias fer til Hasle á Bornholm, sum fyrr hevur verið um at doyggja út sum býur. Nú er lív komið í aftur býin, takkað verið Kaj Erik og Knud Erik, býurin hevur bæði havnabað og harmonikufestival. Teir báðir hava uppiborið at vera heiðraðir fyri teirra stóra sjálvbodna arbeiði. Tí velur Tobias, saman við fólki á staðnum, at baka eina heilt serliga Hasle-kaku við bornholmskum servørum, sum hann ætlar at gera til Kaj Erik og Knud Erik, tað høvdu teir ikki væntað.

Hátíðarguðstænasta, nýggj urga.

Í Noregi ferðast tey nógv innanlands- hóast landið ikki er millum tey lagaligastu at byggja samferðslukervi í. Ferðsla í Noregi er ikki vandaleys. Landslag og veðurlag kunnu vera ein hóttan hjá fólki at ferðast í.

Hyggjari fær nýggjan stíl.

Teir leita eftir gongustjørnuni hjá Slanguni. Men hvar man hon í grundini vera? Hon er ikki á nøkrum korti!

TV 2/Bornholm skipar nú aftur fyri fiskikappingini ?Trolling master Bornholm?, ið var avlýst í 2020 og 2021. Fiskikappingin telist millum heimsins størstu fiskikappingar. Áleið 300 bátar kappast um at fiska tann størsta laksin. Eftir avlýsing í 2020 og 2021 er kappingin nú aftur.
Í sendingini verður eisini sagt frá góðum søgum og hendingum frá degnum.
Størstu laksarnir vera vigaðir á pallinum og virðislønir verða handaðar upp á kr. 268.000.
Vertur: Peter Tanev.

Aldur bítur ikki rættiliga á hjá Williami. Listarligi login slóknar ikki, sum han eldist, men lýsir støðugt bjartur. Hin innari login kólnar heldur ikki. Alskurin til kvinnuna stendur við. Musurnar fylkjast um hann. Tað er, sum dukar ein lívsjáttandi máttur innan í honum upp í ellisár. Yndismusan, Else Lidegaard, sum hevur skrivað bók um seg og William, sigur frá serstaka vinarlagnum teirra millum. Tá William um sjeyti ára aldur gevst at yrkja og smíða tónleik, tekur hann upp nýggjan skapandi tátt; klippini. Yngri tónlistamenn leita sær íblástur úr hansara tekstum, fleiri av plátunum, sum felagið Tutl gevur út, anda av Williamskum skaldskapi. Í Føroyum verða fleiri av søgum hansara settar upp á palli - abbadóttirin Lisa, ið sjálv er farin listaligu leiðina, kemur heim at vera búnasniðgevi, tá leikurin um Móðir Sjeystørnu verður framførdur. William er uppi í friðargongum móti vápnakappdubbingini í 80-unum, og tað er brenni á bálið hjá teimum, sum halda, at hann er ov vinstrahallur. Best sum fleiri eru farin at halda, at hann er slóknaður sum rithøvundur, tekur hann øll á bóli. Nakrar av perlunum koma nústani. Fyrst "Tornið á heimsins enda", og sum 85 ára gamal letur hann okkum seinasta meistaraverkið: Laterna Magica.

Lagt til rættis: Suni Merkistein.

Familjan hjá Mariu fær seg ikki at trúgva, at Maria hevur tikið lívið av sær. Tey fáa tí ein advokat at kanna rannsóknina, sum løgreglan gjørdi í sambandi við, at tann 16 ára gamla gentan doyði. Har vísa seg at vera álvarslig hol í løgregluarbeiðinum. Fleiri hava sæð eitt løgið blátt merki í pannuni á Mariu, men eingin tók myndir av líkinum. Samstundis varð fyrrverandi unnustin Jógvan eftir øllum at døma ikki avhoyrdur, sjálvt um hann var tann seinasti, sum sá Mariu á lívi. Sambært Jógvan var tað tó ikki hann men vindurin, sum í 2012 tók Mariu í havið.
Sesong: 2021
Partur: 2.
Framl. ár: 2022
Framl.: TV 2 DK

Kringvarpið sendi beinleiðis frá finaluni í Sement, ein kapping í rútmiskum tónleiki, sum var í Perluni og Reinsarínum í gjárkvøldið kl. 20.00.

Undanumførini seinastu trý leygarkvøldini hava verið stroymd á heimasíðu Kringvarpsins.

Biit-toymið stendur fyri øllum. Tað merkir, at alt frá vertum til kamerafólk og framleiðara eru ung fólk, sum eru knýtt at ungdómstoyminum.

Rannvør Fríða Eyðunsdóttir frá Gentuvesinum og David Thomassen frá ´PolEtikk´ og ´Repopplikkin´ eru vertir, og Fríði Birgisson Olsen, framleiðir.

Í finaluni eru bólkarnir: RSP, SWAY, Marius DC, Impartial, Daniel og Dania O. Tausen.