Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Elias og L fyri lomb.
"Snipp snapp" er hvørt mikukvøld, og hóskvøld og leygarkvøld og sunnumorgnar.

Sagt verður frá barna- og ungdómsárum Williams í Havn og Keypmannahavn. Keypmanssonurin kennir á sær hitt skaldsliga kallið longu frá barnaárum. Ætlanin hjá pápanum at fáa soninum eina handilsskúlaútbúgving verður tí av ongum. Útisetaárini saman við barndómsvinmanninum Jørgen-Frantz Jacobsen eru kortini ikki til fánýtis. Í Keypmannahavn kennir hann salta rákan av mentan og list, her hittir hann javnlíkar, og fær smakkin av øllum tí søta, sum stórbýurin lokkar við. William stígur inn í danska bókmentaumhvørvið. Hann hittir skaldið og forlagsráðgevan Otto Gelsted, ið hjálpir honum á leið. Trý yrkingasøvn koma út í 20-árunum. Men smátt er hjá tí, sum ætlar at lívbjarga sær sum yrkjari; William fer tí aftur til Føroyar og í handilin hjá pápanum í Vágsbotni. 20-árini í Havn eru trilvandi. William lesur og skrivar, hann ætlar sær at gerast skaldsøguhøvundur, men forlagið havnar tí, sum hann sendir teimum. Hann fæst eisini við at mála og smíða tónleik, hann fær áhuga fyri leiklistini og fer upp í Havnar Sjónleikarfelag. Mest reikar hann kortini millum Bacchus og Afrodite. Hann flytur heimanífrá og fær sær tilhald í barndómsheiminum í Bringsnagøtu. Har hugsavnar hann seg um sítt listarliga arbeiði, tá ið hann er leysur av dagligu uppgávunum í handlinum hjá pápanum.

Lagt til rættis: Suni Merkistein.

Frank heldur, at ein flottur skjøldur hevur uppiborið eitt múrakker, men hann hevur bara eitt, so hann noyðist í smiðjuna. Eitt perutræ við ongum perum má lúta fyri einum øðrum træ. Men at grava hol í Kastaniegarði er ikki bara sum at siga tað.

Peter Ingemann fer undir annan part av rundferðini á Bornholm. Eitt dulskygnisfólk (clairvoyant) er við á eini ferð í sinninum, men á ferð kring oynna hittir hann gamlar fiskimenn, ein gullsmið, ein firvaldafangara og tríggjar djarvar tannáringar, sum hvør á sín hátt eru við til at siga Bornholms søgu, sum bæði er marglitt, fjølbroytt og hugtakandi.
Við er: Peter Ingemann
Framl. ár: 2021
Framl.: Heartland
Framl. fyri: TV 2 DK

Hvat gera fartelefon, Ipaddur og telda í grundini við okkum? Tað hevur DR2 sett sær fyri at kanna. Í eini røð í tveimum pørtum luttekur ein familja í eini roynd, sum skal vísa, um heili, sinni og heilsa ávirkast av skermunum.
Í hesum partinum síggja vit, hvat hendir, tá familjan skal sløkkja allar skermarnar.

20 ára gamla Ditte hevur síðan fyrsta herðindi av panikkangist á Roskilde Festivali stríðst við angist í stórum rúmi. Vit fylgja Ditte, tá hon framprovokerar angist og roynir at hava tamarhald.

Børn mistrívast sum aldri fyrr. Sjeyndahvørt barn hevur fingið staðfest eitthvørt slag av sálarsjúku, áðrenn tað hevur fylt 18 ár. Er nakað galið við børnunum sjálvum? Ella er tað kaotiski gerandisdagurin í skúlum og stovnum, sum tey ikki megna?
Partsheiti: Smertensbørn
Partur nr: 1
Framl.ár: 2021
Framl.: Dokumentarkompagniet
Framl. fyri: TV 2 DANMARK

Kristian hevur avgjørt gehør og kennir allar tónar aftur. Og hann hevur serligar gávur við tangentarnar. Men gerandisdagurin - uttan fyri arbeiðið - har gongst ikki væl at fáa alt at hanga saman. Sosialt gongst illa, og hann er nógv einsamallur. Louise skal á ráðstevnu fyri arbeiðsplássið Novo Nordisk. Tað er stór avbjóðing hjá henni, tí har koma fleiri hundrað fólk, og hon skal vera partur av hesum sosialt. Tað kennist kaotiskt og ókontrollerað. Lagt til rættis: Michael Plejdrup