Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Sára og Dunna, Elias og L fyri lomb.
"Snipp snapp" er hvørt mikukvøld, hóskvøld, leygarkvøld og sunnumorgnar.

Summar er, og Alfred og Emil fiska krabbadjór í summarnáttini. Tað dámar Emili so sera væl. Eitt kvøldið tekur hann eina spann við krabbadjórum heim við og leggur seg at sova. Hann vaknar við kaldan dreym av ýlunum frá pápanum. Lina vil so gjarna giftast vi Alfredi, men Alfred er einki við upp á tað, og tað sigur hann við hana ein dagin. Tá er Lina ikki blíð!

Í barnarøðini Morsa fer Elisabeth á Bakka at vísa ymiska hárseting. Og vit vísa nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen.
Klipt: Bjørg Mohr Andersen og Sólfríð Maria í Rók.

Lagt til rættis: Elin á Rógvi.

Størsti urtagarður í Miðvági man óivað vera tann hjá Hannu Dam Hansen og Johannes Dam Hansen, sum liggur á gomlu Langtrøðni í Miðvági. Hann er góðar 2.000 fermetrar í ummáls og har eru sett niður millum 300 og 400 trø av ymsum sløgum.
Hanna hevur eisini eitt vakstrarhús, har hon hevur súreplir og víndrúvur, men mest brúkar hon vakstrarhúsið til at sáa ymiskar summarblómur, sum hon so seinni setur út í urtagarðin.

Gjørt sendingina hava: Bergljót D. Hentze og
Ragnar C. Joensen.

Á vári 2020 fær Bruun Rasmussen eitt serligt plátusavn undir hamaran. 900 LP-plátur úr privata savninum hjá Heindriki prinsi skulu hava nýggjan eigara.
Partur: 3.
Framl. ár: 2020.
Framl.: Monday Media.
Framl. fyri: TV 2 DANMARK.

Í Røst hevur ein grísur hug at fáa sær dámu, men striltið gongur. Bóndin Kari-Anne hevur eisini avbjóðingar, hoyggingin stendur fyri durum, men útgerðin svíkur. Tíbetur er góð hjálp at fáa. Úti í havsbrúnni fær hon løn fyri sítt harða arbeiði, tá Lofoten vísir seg í síni dýrd.

Vika 29 er í roynd og veru ikki einans fyri tey, sum eru óð eftir rósuvíni. Uttandura kokkteylbarrin framman fyri Ruths hotel freistar við spildurnýggjum summardrykki, føgrum reyðum Ruths Spritz. Vit frætta eisini, hvat tey ungu halda um viku 29.
Sesong: 2.
Partur nr.: 4
Framl.ár: 2020
Framl.: TV 2 Nord
Framl. fyri: TV 2 DANMARK

Laos hevur stórar kulinariskar upplivingar at bjóða, men hesaferð sleppur Gordon Ramsay, kokkur, ikki turrskøddur. Hann skal m.a. bæði kava eftir ferskvatnssniglum og eisini skal hann inn í tættvaksnan frumskóg.
Vertur: Gordon Ramsay.
Sesong: 1
Partur: 3.
Framl. ár: 2019
Framl.: All3Media

Við hjálp frá Kasper Hjulmand venja Jakob og Tobias
m. a. eitt nýtt fótbóltslið.
Partsheiti: Verdens lykkeligste landshold.
Sesong: 3.
Partur: 2
Framl. ár: 2022

Koronuskeptikarar.
Hví ivast nakar í, at vit hava eina alheims farsótt og hví eru tey ímóti kroonuvaksinu?
Broadcast Company NRK.

Vit skulu seta met í at flóta! Gomul og ung úr Svalbard til Lindesnes!
Broadcast Company NRK.

Ætlanin var at hava guðstænastuna uttandura í Lundini í Miðvági, men vegna veður var guðstænastan í Miðvágs kirkju ístaðin.

Sonja drotning vísir runt á vakre Bygdøy kongsgarði.
Siðvenja hjá norsku kongafamiljuni 17.mai og tann einastandandi urtagarðurin í kongsgarði.

Melvin hjálpur Hans við at laða grot á strondini. Tað gongur friðaliga, men pulsurin fer upp kortini, tá ið Melvin finnur út av, at ein thy búgvi dugir meira enn at flyta seg á eini brimfjøl. Hann skal dansa búkdans við kvinnunum í búkdansifelagnum í Thy.
Vertir: Melvin Kakooza og mamman, Carolyne Kaddu Rasmussen.
Árgangur: 3.
Partur: 5.
Framl. ár: 2021.
Framl.: Dokumentarkompagniet
Framl. fyri: TV 2 DANMARK

Víðagitni sjónvarpsverturin og náttúrusøgufrøðingurin sir David Attenborough er vertur í hesi stórfingnu BBC-dokumentarsendingini, sum eygleiðir fylgjurnar av oyðileggjandi veðurlagsbroytingunum og vísir á møguleikar at loysa trupulleikarnar, sum hótta jørðina. Vit eru einans 2 stig frá eini ræðuligari vanlukku, og heldur globala upphitingin fram við somu ferð sum higartil, hendir ein varandi umhvørvislig oyðing innan tey næstu 40 árini. Vit hitta nøkur av fólkunum, sum veðurlagsbroytingarnar beinleiðis hava ávirkað, og heimsins fremstu serfrøðingar á økinum greiða frá, hvørji útlitini eru, um vit ikki leggja um alt fyri eitt. Vit kunnu øll gera okkara part til at loysa veðurlagskreppuna, men tað krevur, at vit fara til verka nú!
Upprunah.: Climate Change - The Facts.
Vertur: Sir David Attenborough.
Framl. ár: 2019

Tað er í tretivuárunum, at tað brestur fyri nev hjá Williami. William hittir nú kvinnuna, sum verður hansara, og vissar honum eitt neyðugt støðufesti og stavnhald. Hann og Lisa, sum er ættað av Signabø, seta seg niður í nýggjum húsum uppi undir Varða, langt omanfyri býin. Tey fáa tríggjar synir. William hevur framvegis sítt dagliga yrki í handlinum hjá pápanum, men kýtir seg samstundis at skriva og senda forlagnum í Danmark síni handrit. Til endans bragdar, og í 1934 kemur fyrsta skaldsøgan, Blæsende gry. Ein smátta verður bygd á heygnum omanfyri húsini. Hon verður hansara skaldabýli. Sum árini ganga, birtist eitt ávíst listamannaumhvørvi har um vegir. Tveir av góðu vinmonnunum, Heðin Brú og Christian Matras, seta eisini búgv uppi undir Varða, og verða grannar hjá Williami. Í smáttuni uppi á heygnum skrivar hann tær søgurnar, sum Gyldendal letur prenta árini eftir krígslok, og sum vissa honum hitt stóra gjøgnumbrotið sum rithøvundur. Frálíku ummælini veita honum nógvar lesarar, fyrst í Danmark og øðrum norðurlondum, seinni verður hann lisin víða hvar í Evropa við. Øðrvísi er í Føroyum. Her tykjast summi at halda, at tað er ringur fuglur, ið drítur í egið reiður, tá rithøvundurin, ið skrivar á donskum, í summum av skaldsøgum sínum dittar sær at lýsa stættamun og trúarlív í Føroyum. Men William er farin á flog móti hæddunum, og lívsdreymurin um at virka sum rithøvundur burturav hómast nú í firruni.

Lagt til rættis: Suni Merkistein

Familie Journalen og tann stóra myndabíblian vóru fullar av myndum og hesar vóru tað sum fyrst og fremst tendraðu áhugan fyri listini. Seinni komu lesibøkurnar og málningarnir hjá grannanum og Amariel Norðoy fór til endans sjálvur at tekna og mála. Og beint nú livir Amariel í einari litverð, sigur Ingálvur av Reyni listamálari. Sending um listamálaran Amariel Norðoy.

Lagt til rættis: Malan Johannesen.

Í summar vitja luttakarar frá ´Fólksins rødd´ í 2010 og 2011 útvarpssendingina, ´Gestastovan´, ið verður send mánadagar. Tátíðin verður samanborin við nútíðina og broytingar verða lýstar. Í hesum sambandi endursenda vit sunnukvøld nakrar av ´Fólksins rødd´ sjónvarssendingunum frá teimum árunum.

Nú valfepurin hevur sett landið á skák og politikarar í hópa tal bjóða seg fram, lata vit fólki siga sína meining. Í kvøld er evnið hjartamál.
Fólksins rødd: Hjartamál til Løgtingsvalið 2011.
Hetta er eitt av evnunum í útvarpssendingini "Gestastovan" í morgin.
Gestur er: Fríðhild Winther.

Jákup Magnussen leggur "Gestastovuna" í útvarpinum hjá Kringvarpinum til rættis.

Matriarkurin aftan fyri eina diamant-valdsharraætt, Geraldine Cuyper, doyr undir eini skurðviðgerð, og eftir hana liggur virðismikið forrætningsimperium
til børnini at arva. Ikki gongur long tíð, fyrr enn blóðið flýtur, og toymið má longri og longri inn í ein heim fullan av rotinskapi, sjalusi og grammleika.
Upprunah.: Van der Valk - 2. árg.
Leikarar: Piet van der Valk: Marc Warren, Brad de Vries: Luke Allen-Gale og Hendrik Davie: Darrell D´Silva.
Partur: 2.
Framl. ár: 2021.
Aldursmark: 15.