Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgnar.

Varenarnir.
Varenarnir, sum annars skulu eitast at hava grøðandi eginleikar, leypa á doodjiar og noyða teir til at leita sær skjól hjá harabiarunum. Enyo roynir at finna út av, hví teir eru so óðir inn á doodjiar, men støðan versnar, tá tað eydnast Quag Naga at ræna Enyo.

Vit fara at síggja nógv ymiskt forvitnisligt, okkurt kenna vit aftur, tó alt er nýliga framleitt. Børn í Føroyum greiða frá frítíðarítrivi og áhugamálum. Dagurin í dag er við, eins og Petursa borð. Og so verður ein nýggjur táttur við, tað er - Vísindaroyndin.

Ein vill kráka flutti inn, og Anders og hon gjørdust bestu vinir. Hon hevur lært seg bæði triks og óvanar, men hvussu snild er kráka í veruleikanum?

Ein fjórðingur av landjørðini er graslendi, her fáa villdjór í hópatali mettuna, men fyri at lívbjarga sær á grasi krevst, at djórini tola skiftandi árstíðir. T.d. hevur saiga antilopan ment serligar mátar at yvirliva. Og á frystu frostmýrini fyri norðan ferðast reindýr í stórum tali, meðan svangir arktiskir úlvar elta tey.

Í sendingini "Túnatos" ferðast Elis Poulsen og Jens Jákup Hansen í bygd og í bý og práta við fólk um tað, sum hendir í gerandisdegnum. Hesaferð á Viðareiði.

Bumbuatsóknin móti løgtingshúsinum í 1945
Í samtíð og eftirtíð.

Jens Gaardbo hatar alt óvæntað! Tí hevur føðingardagur hansara í fleiri ár verið hálvkeðiligur, men tað ætlar kona Jens, Pernille, at broyta. Men hvat sigur føðingardagsbarnið? Maður Julie Berthelsen, Minik, skal spæla avgerandi hondbóltsdyst fyri felagið Ajax. Øll familjan fer tí til Keypmannahavnar at stuðla. Brygmann familjan fer til Italia. Í grundini skal Martin arbeiða og komponera nýggjar sangir, men tá so nógv er at gera sum hjá Martini, er umráðandi eisini at geva sær stundir til familjuna.
Framl.: Metronome Productions A/S
Framl. fyri: TV 2 DANMARK
Framl. ár: 2019

Lea hevur mist vónina um at vera viðurkend sum venjari, men hon hevur ein plan B. Pápi hennara, Bent Olsen, er farin til Aarhus við 11 hestum fyri at kappast móti dóttrini. Og Karin Salling tekur ímóti einum nýggjum, lítlum tvíspor hesti, ið er føddur á Stutteri Hjortebo.
Partur: 4
Framl. ár: 2022
Framl.: Made in Copenhagen
Framl. fyri: TV 2 DANMARK

Rosa Kildahl er kend fyri at vera í góðum lag og at hava stuttligar viðmerkingar bæði í ´Den store bagedyst´ og ?Vild med dans?, men 60 ára gamla Rosa hevur í mong ár dult eitt familjuloyndarmál. Nú fer hon til Grønlands saman við dóttrini, hon hevur ein týdningarmiklan spurning og vil hava svar.
Framl.: United
Framl. fyri: TV 2 DANMARK
Framl. ár: 2018

Rosa hevur altíð borið eitt loyndarmál inni við seg sjálva. Men ikki fyrr enn pápi hennara doyði, hevði hon dirvi at fara í holt við at kanna sín rætta uppruna. Kom við Rosu, nú hon fer til Grønlands, har hon saman við dóttrini spyr spurningar, sum hava stóran týdning fyri hana.
Framl.: United
Framl. fyri: TV 2 DANMARK
Framl. ár: 2018

Lise Nørgaard eigur handritið til Matador raðsendingina, sum tey flestu kenna og sum lýsir lívið í Korsbæk við sínum provinsiella skreyt og skrúð.
Vit síggja, hvussu býurin verður endurgjørdur. Men tað ber ikki til uttan vælsignilsi frá henni, sum skrivaði, hon er perfektionistur og sera avgjørd.
Við eru: Lise Nørgaard, Lisbet Dahl og Torben Træsko.
Per Pallesen, Sonja Oppenhagen, Malene Schwartz, Susse Wold, Vicki Berlin, Susanne Breuning, Flemming Jensen, Pernille Schrøder og Dennis Knudsen.
Framl. fyri: TV 2 DANMARK.
Framl.ár: 2015.

Miguel Harth-Bedoya, chefdirigent í Kork hevur endurfunnið ríku tónleikaverkini, ið hava ligið goymd í Suðuramerikonskum søvnum, bæði fólkatónleik frá fyri hjálandatíðina og tónleik frá hjálandatíðini.
Á konsertini í Sentralen í Oslo er tónleikur úr Argentina, Kili, Ekvador og Peru.

Jens hevði ikki ímyndað sær, at óbygda víðlendi var so krevjandi. Ongin fiskur og Snowdrift River er strævin at koma ígjøgnum. Og náttarsvøvnurin verður órógvaður av eini bjørn.

Kristi Ainjärv vaks upp í Estlandi í sovjettíðini, og sum barn sá hon kommunismuna sum spæl. Tað var strangliga bannað at vera við strondina í marknaumráðnum um náttina, men Kristi og vinfólkini svumu har enntá, og kavaðu undan ljósunum hjá hervaldinum. Redaktørur: Hanna Klingenberg.

Í hesi sendingini frá Channel 4 í Onglandi fylgja vit við, tá nakrir av dugnaligastu kondittarum gera kakur av serligum slag til krevjandi kundar.

Lars og hundurin Kayaque ferðast ta 35 míl longu ferðina yvir Finnmarksvidda. Teir fylgja gomlu postrutuni til Stabbursdalen nasjonalpark.
Sesong 2.

Í øðrum parti í røðini um Føroyar og støðu okkara í danska ríkinum verða árini eftir Seinna Heimsbardaga og fólkaatkvøðuna í Føroyum í 1946 fram til 1970 tikin til umrøðu.

Hóast nýggi felagsskapurin Sameindu Tjóðir heitir á øll hjálandaveldi um at hjálpa sínum gomlu hjálondum at fáa sjálvstýri, vil Danmark ikki sleppa Føroyum og Grønlandi. Og við grundlógarbroytingini í 1953 ætlaði Danmark at fáa Grønland inn undir seg sum amt.

Trætan Føroya og Danmarkar ímillum eftir kolldømdu fólkaatkvøðuna í 1946 endar tvey ár seinni við nýggju heimastýrislógini, sum gevur Føroyum víðkað sjálvræði innan danska ríkið. Politisku flokkarnir í Føroyum vóru ójavnir á máli um eina nýggja stýrisskipan.

Fólkaflokkurin vrakaði heimastýrislógina, men hinir tríggir, Javnaðarflokkurin, Sambandsflokkurin og Sjálvstýrisflokkurin, góðkenna heldur treyðir uppskotið til nýggjan sáttmála, sum danir leggja fyri føroyingar. Hesaferð sleppur vanligi føroyingurin ikki at taka støðu sjálvur á einari fólkaatkvøðu sum í 1946.

Allir flokkar geva seg kortini sum frá líður undir nýggju skipanina, bæði Fólkaflokkurin, sum ikki vildi vita av henni, og eisini hin nýggi Tjóðveldisflokkurin, sum var stovnaður í mai 1948 sum eitt mótmæli ímóti kolldømdu fólkaatkvøðuni í 1946. Og áðrenn langt um líður kunnu Fólkaflokkurin og Sambandsflokkurin arbeiða saman.

Sum árini ganga, gerast Føroyar alt meira bundnar av donskum pengum. Ríkisveitingin økist, og samfelagið verður stigvíst útbygt. Javnaðarflokkurin við Peturi Mohr Dam, løgmanni, á odda, verður ímyndin av uppbyggingini av føroyska vælferðarsamfelagnum í 60-árunum. Alt tos um sjálvstýri í Føroyum tykist tagnað.

Suni Merkistein og Jógvn Eli Dam leggja til rættis.

Eitt ár er liðið, síðan Russland leyp á Ukraina og fyrstu ukrainsku flóttafólkini lendu í Føroyum.

Teirra millum vóru Iryna og maðurin Andry Lys úr Lviv og átta ára gamla dóttirin, Yustynu. Og Liudmylla og 12 ára gamla dóttirin hennara Sofiia, sum eru úr Kharkiv.

Tey eru millum fyrstu flóttafólkini, sum formliga koma til Føroya.

Men hvussu er brádliga at vera flóttafólk, ið leitar sær friðskjól í Føroyum, og hvussu hava vit sum samfelag lofta teimum.

Vit hava fylgt teimum hetta fyrsta árið.

Krista Johnsdóttir Kreutzmann og Hallur E. Thomsen hava lagt til rættis.

Þegiðu og syntu!
Íslendskur dokumentarur um Sigrún Þuríð Geirsdóttiur, sum er tann fyrsta íslendska konan at svimja um Ermarsund.
Í dokumentarinum verður greitt frá hesum megnaravriki, har hon svam út í eitt í 22 tímar og 34 minuttir. Greitt verður frá søguni hjá Sigrún, hvør hon er, hví hon fór at svimja á sjónum, og hví hon gjørdi av at svimja um Ermarsund.
Dokumentarurin inniheldur upptøkur frá sjálvari svimjingini, har mann kann síggja Sigrún og
fylgið hjá henni flenna, gráta, spýggja, geva upp,
syngja og gleðast.