Skrá Sjón

Beinleiðis sending, har føroyameistararnir í borðtennis, badminton og judo verða kosnir. Vit byrja at senda klokkan 13.00, og næstu tímarnar síggja vit okkara bestu ítróttafólk í hesum ítróttagreinum.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgun.

Jan Gintberg prátar við ein av monnunum aftan fyri Monty Python, John Cleese. Teir práta m.a. um kreativitet, keldur til íblástur og átrúnaðarliga satiru.
Vertur: Jan Gintberg

Melvin kemur í óføri í køkinum, tá hann vitjar kokkin hjá landsliðnum. Hann gevur eisini eina hjálpandi hond í Parkini, sum skal pyntast við 20.000 stykkjum av plasti til dystin.
Sesong: 4.
Partur: 6.
Framl.ár: 2022
Framl.: Dokumentarkompagniet
Framl. fyri: TV 2 DANMARK

Kringvarpið sendir beinleiðis frá 2. umfari av tónleikakappingini Sement, sum verður hildin í Reinsarínum í Havn. Seks bólkar og einstaklingar kappast. Ungdómstoymið Biit stendur fyri framleiðsluni.

Biit-toymið stendur fyri øllum. Tað merkir, at alt frá vertum til kamerafólk og framleiðara eru ung fólk, sum eru knýtt at ungdómstoyminum.

Ringasta marran hjá øllum familjum gjørdist veruleiki hjá Doverfamiljuni. Tá seks ára gamla dóttirin og vinkona hennara eru úti og spæla, hvørva tær undir løgnum umstøðum. Ein persónur hevur sæð genturnar spæla við ein húsbil, og tað eydnast løgregluni at finna og handtaka eigaran. Men tann illtonkti verður leyslatin orsakað av manglandi prógvum. Nú má tann desperati familjupápin Keller Dover (Hugh Jackman) taka málið í egnar hendur. Ein filmur, sum Denis Villeneuve (Sicario, Blade Runner 2049, Dune) hevur leikstjórnað.
Uppr.h.: Prisoners
Leikarar: Keller Dover: Hugh Jackman, Kriminalløgreglumaður Loki: Jake Gyllenhaal og Grace Dover: Maria Bello. Við eru eisini: Alex Jones: Paul Dano. Nancy Birch: Viola Davis. Franklin Birch: Terrence Howard. Ralph Dover: Dylan Minnette. Tante Holly: Melissa Leo. Handrit: Aaron Guzikowski. Leikstj.: Denis Villeneuve.
Framl. ár: 2013
Aldursmark: 15