Skrá Sjón

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Grísa-Peppa, Eingilina Ballerina og Uki.
"Snipp snapp" er hvørt mikukvøld, hóskvøld, leygarkvøld og sunnumorgun.

Eitt ringt tekin.
Enyo, Ito og Agaya royna at bjarga einum królara ? eitt heilagt dýr hjá doodjiarum ? undan Quag Naga og hansara monnum. Ito fær álvarsligt mein, og bara tann grøðandi megin í królarahorninum kann bjarga honum. Men hvussu fæst fatur á horninum uttan at drepa królaran?

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

So eru páskir á Brakarastræti, og tá skulu børnini ganga páskagrýlu. Men Lotta og systkini eru ov sein út at ganga, so alt góðgætið er uppi.

Fyri 56 árum síðan rann Søren Ryge í Føroyum. Ta søguna fortelur hann í sendingini, og hon er vorðin til eina vakra og óvanliga sending, við myndum úr Føroyum og úr Suðurjútlandi.

At fleyga lunda hevur í øldir verið ein týdningarmikil partur av lívinum og mentanini í Føroyum. Nú er bara loyvt at fleyga lunda eina stutta tíð í juli.

Í Fredensborg Slotshave á Norðursælandi er arbeiðið at gera árstíðarurtagarðin hjá drotningini væl í gongd. Leiðsluna hevur Christine Waage Rasmussen, landslagsarkitektur, sum arbeiðir tætt saman við Margrethu drotning. Um fýra mánaðir skal arbeiðið verða liðugt. Umframt flisar og annað arbeiði, skulu ikki færri enn 6.000 staudur setast niður.
Partur: 3:4
Sesong: 1
Framl. ár: 2016
Framl.: BytheBuch
Framl. fyri: TV 2 DK

Ole Henriksen er á ferð kring Danmark komin til Suðurjútland. Seinast hann var har, gekk hann í 8. flokk. Og hann kennir søguligan dámin, tá hann verður kastaður inn í bardagan í 1864.
Framl.: LaudPeople
Framl. fyri: TV 2 DANMARK
Framl.ár: 2019

Seinastu árini hevur Uni Leitisstein Hansen staðið fyri søguligu filmsverkætlanini Føroyskar Søgur. Ein hópur av upptøkum filmaðar í Føroyum, síðan filmsmiðilin varð uppfunnin, eru komnar fram úr goymslunum. Burtur úr arbeiðinum eru higartil komnar tvær filmsfløgur í røðini Føroyskar Søgur. Nú leitar Uni Leitisstein Hansen aftur um nakrar av upptøkunum, tí aftan fyri hvørt einasta filmskut er ein søga.
Lagt til rættis: Uni Leitisstein Hansen.

Peter Ingemann heldur fram á ferðini í kongaraðnum. Ein elskhugssjúkur kongur ger seg inn á eina hertuginnu, tá gongur heilt galið. Kongur verður tikin, og Danmark er um at fara á heysin. Valdsstríðið heldur fram, og tað førir til eitt løgið kongamorð í Finderup Lade.
Vertur: Peter Ingemann.
Partur: 3
Framl. ár: 2021
Framl.: Heartland
Framl. fyri: TV 2 DANMARK

?Floymandi nærvera? er partur av 40-ára føðingardagsfagnaðinum hjá Symfoniorkestrinum og Norðurlandahúsinum, sum varð í Norðurlandahúsinum 10. og 11. februar 2023.

Í sambandi við konsertina framleiðir forlagið Sprotin eina serliga skrá. Skráin rúmar forteljing um sangskrivaran og tónleikararan Hans Marius Ziska og um teksthøvundin Hans Jacob Kollslíð. Tekstirnir hjá Hans Jacob Kollslíð eru at finna í skránni, og eisini eru løg við nótum og akkordum hjá Marius Ziska.

Atli K. Petersen, Magnus Johannesen og Tróndur Bogason hava útsett tónleikin hjá Mariusi Ziska fyri symfoniorkestur. Teir eru allir arrangørar við hollum royndum og teljast millum teir bestu, vit eiga.

Danin Kent Olsen ljóðblandar hesar tónleikaverðir. Umframt, at Kent er fastur ljóðmaður hjá Mariusi Ziska, tá teir spæla í Danmark, so hevur hann drúgvar royndir at gera ljóð í samansjóðingini av rútmiskum og klassiskum orkestrum.

Súni Joensen er ljóssniðgevi, og ljósparturin er sniðgivin niður í minstu detalju eins og alt annað á konsertini.

Bernharður Wilkinson stjórnar orkestrunum.

Eftir langa tíð í einsemi hittir hann indiánarar við Store Slavesjø. Jens fer við á veiðiferð at skaffa sær kjøt og læra av teimum, sum kenna náttúruna best.
Men indiánarar hava eisini nakrar vanar, sum Jensi ikki dámar.

Ein hyggjari skiftir stíl. Tað eru stílmeistararnir í Go´kväll, sum standa fyri tí. "Anita, 82: Hvat munnu barnabørnini fara at siga?".

Í 40 ár hevur Franciskusfestin í Kökar sameint fólk, mentan og tað andliga.
Redaktørur: Nina Granvik.

Tann fullkomni dalurin.
Doodjiarnir halda, at teir endiliga eru komnir til Tann gloymda dalin og seta tjøldini upp eitt fruktagott stað. Men Shamani dámar einki, at eingir andar eru í dalinum, og hann sendir Enyo út at finna út av, hví teir eru rýmdir. Enyo varnast skjótt, at dalurin er tungan á eini veldigari veru, sum so líðandi slúkar alt rundan um seg.

Kaj Stenvall er ivaleyst mest virðismetti núlivandi myndlistamaður. Í dokumentarsendingini avdúkar hann málitekniskar loynidómar.
Redaktørur: Josper Knutas.

Listakvinnan Bergithe Johannessen (1905-1995) var eitt undangongufólk bæði sum listafólk og kvinna. Sum fyrsti føroyingur nakrantíð fekk hon eina akademiska, altjóða listaútbúgving. Einans 17 ára gomul bleiv hon í 1923 upptikin á Sidcup School of Art í London, og í 1925 slapp hon inn á listaakademiið í Keypmannahavn.

Hennara listaligu avrik telja hundraðtals málningar: Serliga vatnlitsmálningar, ið avmynda føroysku náttúruna. Nógvir eru í dag at finna í ymsum føroyskum og donskum heimum. Listasavn Føroya eigur 11 verk eftir Bergithe Johannessen í samlingini ? 10 vatnlitsmálningar og ein oljumálning.

Men hvør var henda listakvinnan? Gjøgnum samrøður við føroyskar serfrøðingar, umframt kenningar og skyldfólk hjá listakvinnuni, sigur heimildarfilmurin ?Summargesturin? søguna um eina sjáldsama kvinnu, sum breyt við normarnar og forðingarnar í sínari samtíð. Filmurin vísur somuleiðis eina rúgvu av málningum og myndum eftir Bergithe Johannessen, sum filmsliðið hevur funnið fram hjá privatum eigarum í Føroyum og Danmark.

Tað er Thin Green Line Productions, ið hevur framleitt filmin. Filmurin stuðlaður av Mentanargrunni Landsins og Statens Kunstfond.

Summarið nærkast, og nógv gleða seg til feriur í suðurlondum. Men hjá teimum, ið ikki ætla sær so langa leið í summar, er ein rúgva at uppliva í Føroyum. Gongutúrar í haganum, tjalding ella sílaveiða kann vera minst líka minnisríkt fyri børnini sum túrar til Mallorka. Tað týdningarmesta er at uppliva okkurt saman. Afturat tí er útilívið gott fyri bæði kropp og sinn. Men hvussu ger mann? Hvat skal til, og hvar fer mann? Hetta er sjálvandi ikki so lætt at byrja við, men í trimum sendingum fara vit at vísa á ymiskar mátar at njóta útilívið.
Lagt til rættis: Jónfinn Stenberg og Jens Jákup Hansen.

The Godfather: Jupiter - 3. partur.
Brian Cox professari heldur fram á rannsóknarferð í sólskipanini. Hesaferð er hann á tí stóru Jupiter. Jupiter er ikki einans tann størsta, men eisini tann elsta av klótunum í sólskipanini. Jupiter er tann einasta av klótunum, sum var vitni til, at sólin varð til, og líka síðani hevur tann ómetaliga tyngdikraftin verið við til at avgera lagnuna hjá hinum heimunum. Tá hon helt leiðina fram til innaru sólskipanina, kastaði Jupiter tilfar móti sólini. Hon tarnaði vøkstri og menning á Mars, sum annars kundi verðið líka stór sum jørðin. Jupiter hevði forkomið hvørji einastu klótu á leiðini inn móti sólini, um ein samanstoytur við eina aðra stórklótu - Saturn - ikki hevði fingið hana at broyta kós.

Ivalu er horvin. Yngra systirin leitar frá sær sjálvari eftir henni, men pápin er líkasælur. Hvar er Ivalu? Stuttfilmurin ´Ivalu´ eftir Anders Walter og Pipaluk K. Jørgensen er tilnevndur til ein Oscar í flokkinum´Besti stuttfilmur´ til Oscar-handanina 2023. Hann byggir á eina teknirøð eftir Morten Dürr og Lars Horneman.
Leikandi: Pipaluk: Mila Heilmann Kreutzmann, pápin: Angunnguaq Larsen og Ivalu: Nivi Larsen. Handrit: Anders Walter eftir Morten Dürr og Lars Hornemans teknirøð. Leikstj.: Anders Walter og Pipaluk K. Jørgensen.
Framl.ár: 2023
Framl.: M&M Productions
Aldursmark:15

Kringvarpið sendir beinleiðis frá 2. umfari av tónleikakappingini Sement, sum verður hildin í Reinsarínum í Havn. Seks bólkar og einstaklingar kappast. Ungdómstoymið Biit stendur fyri framleiðsluni.

Biit-toymið stendur fyri øllum. Tað merkir, at alt frá vertum til kamerafólk og framleiðara eru ung fólk, sum eru knýtt at ungdómstoyminum.