Skrá Sjón

Í barnarøðini Morsa fer Elisabeth á Bakka at vísa ymiska hárseting. Og vit vísa fleiri partar av nýggju bretsku barnarøðina Katie, sum BBC hevur gjørt.

Vertur: Jákup Wardum.
Upptøka: Bjørg Mohr Andersen og Elin Dagbjartsdóttir.
Klipt: Sólfríð Maria í Rók.

Lagt til rættis: Elin á Rógvi og Jonna F. Mortensen.

Hanin.
Ein dagin kemur Pettson heim við einum hana. Hønurnar er sjálvandi ovurfegnar, men Findus er ikki glaður. Aftrat tí, at hann tekur spælivinkurnar hjá Findusi, so dámar hananum so øgiliga væl at gala, og tað er skjótt, Findus heldur, at nú ber av.

Eftir at GOG er farið á heysin, savna íbúgvar kring felagið seg um at endurreisa sítt kæra hondbóltsfelag. Tey vilja aftur á tindin í donskum hondbólti. Endiliga, á sumri í 2022, glitrar gullið aftur í Gudme.
Partsheiti: Miraklet fra Gudme
Sesong: 2022
Partur: 4
Framl.ár: 2022

Knut Arild Hareide og konan Lisa Maria síggja høpisleysar fylgjur av einum gjaldi, har Hareide sjálvur eigur part av æruni. Fleiri tons av søtmeti fara beint í rusk, tí tað er bíligari at tveita burtur enn at geva burtur. Tað avgera tey at royna at fáa broytt.
Programmleiðari: Christer Rødseth.

Flemming Pless prestur hevur sett trimum monnum stevnu, hesir hava allir tikið lívið av fólki. Hann ætlar at kanna, um hugtøkini í Bíbliuni um skyld, straff, angur og fyrigeving geva meining hjá teimum, sum hava brotið fimta boð: TÚ MÁST IKKI SLÁA Í HEL!

Relatiónir er tað økið innan kyns- og samlív, sum flest ung vilja vita meira um. Men hvussu skal undirvísingin vera um nakað so breitt og komplext?
Charlotte Persson er samskipari. "At næmingarnir læra at hugsa sjálvir", er mest umráðandi, sigur hon.

August ivast í at flyta úr Faaborg og saman við unnustuni í stórbýin. Hann merkir fordómarnar, sum vinmenninir hava um Keypmannahavn og samstundis sín egna kærleika til lívið úti á landinum saman við dreingjunum. Signe kennir seg bundna av Casper. Hann hevur bilin, pengarnar og rindar fyri tað mesta. Signe leitar og fær starv, og skjótt sær framtíðin ljósari út.

Kash og unnustan Anoushka fylgja dreyminum og fara til Rwanda at bjarga hotellinum hjá ommuni. Kash misti pápa sín, tá fólkamorðini í Rwanda fóru fram. Hann følir nýggjar partar av søguni og syrgiligu lagnuna, sum pápin og 800.000 aðrir tutsiar vóru fyri í 1994.