Skrá Sjón

Heystið er komið og longu um trý tíðina noyðast tey á Kattholti at tendra. Tey vaksnu spinna, karða og binda, og børnini spæla. Berjameya fortelur søgur um varúlvar og annað óhugnaligt. Morgunin eftir fer Emil at gera eina varúlvagrøv og fær Alfred at hjálpa sær. Brátt líður ímóti jólum, og Emil verður sendur á fátækrahúsið við jólamati. Har ræður Grussan, og hon er ikki tespilig.

Í Føroyum íðka 2.200 fólk hondbólt, og alsamt fleiri spælarar fara uttanlands at royna hondbóltseydnuna.

Tveir teirra eru tann 19 ára gamla, Rakul Wardum, og tann 16 ára gamli, Óli Mittún.

Rakul fór longu sum 16 ára gomul niður á Skanderborg Elite Håndboldakademi og spælir nú við Ajax í Keypmannahavn, og Óli Mittún skrivaði í mars í ár undir sáttmála við svenska meistaraliðið, Sävehoff.

Í sendingini greiða tey frá sínum dreymum um framtíðina og umrøða eisini tann longsul, sum kann gera um seg, tá ungfólk flyta burtur.

Uni Arge leggur til rættis og Mathias Dimon Næs setti saman.

Filmurin ?Snjódrotningin? er fyri ein part bygdur á kenda ævintýrið hjá H. C. Andersen. Gerda og Kai eru góð, men brádliga broytist Kai, so hon kennir hann ikki aftur, og hann rýmir frá henni. Av inniligum kærleika velur Gerda at fara at leita eftir Kai. Men leiðin er long og torfør, ja nærum ógjørlig!

Ein prinsessa, sum gjørdist 18 ára gomul og valdi eina kontroversiella t-shirt. Ein krúnprinsur, sum er í gongd við hernaðarliga útbúgving. Og ein kongur, sum var á hálv-politiskum sendiørindi, tá ið hann um várið vitjaði Grønland. Hetta eru bert nøkur av hæddarpunktunum í árligu sendingini, har Natasja Crone gjøgnumgongur árið hjá donsku kongafamiljuni og eisini vendir sær móti øðrum kongshúsum ? millum annað tí norska, har tey hava havt fleiri kreppur í farna árinum.

Framleiðsluár: 2025
Framleiðsla: TV 2 DANMARK

Vit hoyra tónleik eftir Johan Sebastian Bach, sum livdi frá 1685 til 1750. Upptøkurnar eru gjørdar í miðaldarkirkjuni, Ólavskirkjan, í Kirkjubø, í sambandi við tiltakið ?Í Kirkjubø við Bach og kertum?, sum Johan Mortensen eigur hugskotið til. Fyrimyndin er "Bach in Candle Light" tiltakið í St. Martin in the Fields í London, sum er í desember mánaði á hvørjum ári.
Tey, ið framføra eru:
Birita Poulsen, sangur - Ólavur Jakobsen, gittar/frásøgufólk - Jón Festirstein og Monika Stauss, violin - Jona Jacobsen, viola - Jens Chr. Guttesen, sello.
Lagt til rættis: Carsten Macdonald Arnskov.

Væl umtókta og siðbundna sendingin "Syngið við" hevur verið fastur táttur í sjónvarpinum hjá Kringvarpinum í mong ár og hevur ferðast kring landið. Fyri fyrstu ferð er kringvarpsmanningin farin av landinum við upptøkutólunum, tí hesa ferð eru føroyingar í Danmark komnir saman í  Føroyahúsinum í Keypmannahavn at syngja. Á skránni eru kendir og væl dámdir felagssangir, og vit hitta eisini nakrar føroyingar í Danmark.

James Olsen er tónleikari og entertainari, og drívmegin í hansara gerandisdegi er at sleppa at spæla tónleik. Hann er kendur í náttarlívinum í Føroyum sum ein festligur undirhaldari og stendur næstan hvørt vikuskifti á palli við bólkinum Showmen. Men við sær í skjáttuni hevur James eisini tungar upplivingar og nógvar ósvaraðar spurningar. Bergur Debes Joensen er prestur í Vesturkirkjuni í Havn. Hann hevur frá barni av vita, at hansara lutur her á jørð fyrst og fremst er at tæna Guði.
Hetta kall hevur verið reyði tráðurin í lívinum og umframt prestastarvið, er Bergur sera virkin í missiónsarbeiði. Bergur er giftur og eigur trý børn, og
hóast familjan livir eitt vanligt lív, so setur guðstrúgvin altíð sín serliga dám á gerandisdagin hjá familjuni.
Gjørt sendingina hava: Barbara Samuelsen, Hans Petur Hansen og Thomas Koba.

Í 1959 kemur Florence Green (Emily Mortimer) til eina lítla bygd í eystara parti av Onglandi fyri at reka ein bókahandil. Men ætlan hennara møtir stórari mótstøðu frá staðbundnum kreftum. Hon letur seg tó ikki boyggja ? og hennara kærleiki til bókmentirnar førir skjótt gott við sær.

Luttakandi: Florence Green: Emily Mortimer, Edmund Brundish: Bill Nighy og Violet Gamart: Patricia Clarkson.
Framleiðsluár: 2017