Skrá Sjón

Nýggja sendirøðin "Seks spurningar um at vera menniskja" byggir á hugskot hjá Búa Dam og Dánjali á Neystabø. Teir hava framleitt sendirøðina í samstarvi við KVF. "Seks spurningar um at vera menniskja" er ein 100% føroyskt framleidd barnasendirøð í seks pørtum.
Sendirøðin snýr seg um teir báðar serskøltarnar Dánjal Kagadingding og Búa Sibbidibbidimdim. Teir búgva í húsunum hjá Tebryggjaranum (Mariann Hansen). Dánjal Kagadingding og Búi Sibbidibbidim hava, hvør sær, sítt at dragast við. Dánjal Sibbidibbidim er óvanliga vandaligur og verður ofta raktur av tvingsilshugsanum. Búi Sibbidibbidim er harafturímóti óvanliga óvandaligur og hevur trupult við at skipa seg. Aftrat hesum eru teir samdroymarar. Hetta merkir, at um náttina møtast teir í dreymum. Og úr hesum samdreymum spyrjast stórir spurningar, so sum: Hvør eri eg? Ber til at liva í alla tíð? Ber tað til at fanga ljósið? Hesir stóru spurningar ørkymla Dánjal og Búa, og royna teir, alt teir kunnu, at svara teimum. Hetta elvir tó ofta bara til enn meira ørkymlan. Men í húsunum hjá Tebryggjaranum fáa teir ta hjálp, teimum tørvar. Tebryggjarin bryggjar teimum eitt serligt tebland (Spælibryggj), sum hjálpir teimum at síggja trupuleikarnar í einum øðrum, meira spælandi, ljósi.

Seks spurningar um at vera menniskja er ein sendirøð um vinalag, um at hjálpa hvørjum øðrum tá á stendur, og um máttin í spæli. Og so er tað ein sendirøð við nógvum góðum temunnum.

Búi Dam hevur skrivað handrit og leikstjórnað og Dánjal á Neystabø hevur skrivað tónleikin og hjálparleikstjórnað.

Tann gátuføri dalurin.
Doodjiar eru úti og veiða gleffar, men enda í einum avbyrgdum dali. Har er okkurt farið heilt av lagi, tí har vaksa nakrar plantur, sum eta alt livandi, ið kemur framvið, eisini veiðumenninar. Enyo, Ito og Agaya finna út av, at planturnar eru samanbundnar í rótini og royna at finna og gera av við móðurplantuna og endurskapa javnvágina í dalinum og bjarga doodjiarum.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sløkki Sam og Sára og Dunna.
"Snipp snapp" er hvørt mikukvøld, hóskvøld og um vikuskiftið.

Seks spurningar um at vera menniskja er ein sendirøð um vinalag, um at hjálpa hvørjum øðrum tá á stendur, og um máttin í spæli. Og so er tað ein sendirøð við nógvum góðum temunnum.

Búi Dam hevur skrivað handrit og leikstjórnað og Dánjal á Neystabø hevur skrivað tónleikin og hjálparleikstjórnað.

Síðan hann var blaðungur, hevur Peter droymt um at fara til Fraklands at hyggja at heimsins størstu alisfrøðiroynd. 35 lond eru saman um at byggja eina eftirgjørda sól á jørðini. Um tað eydnast, fer tað at geva ómetaliga nógva grøna orku og verða ein týdningarmikil partur av grønu umstillingini.

Vertur: Peter Ingemann.
Sesong:6
Partur: 5
Framl. ár: 2024
Framl. fyri: TV 2 DANMARK

Aftan á næstan 30 ár í Danmark flytur tónleikarin Róin Siggertsson aftur til Vestmanna. Tað er tó ikki lætt at finna fótafestið í heimbygdini, og hann umhugsar at flyta av landinum aftur. Men so hendir tað óvæntaða: Hann skal vera pápi. Eitt vegamót, sum krevur, at hann má broyta lívsstíl og endurhugsa sína støðu.

Dokumentarfilmurin er eitt rátt og erligt portrett við tónleiki eftir Róini ?roWan? Siggertsson sjálvum.

Elsa Fróðadóttir Helmsdal hevur masterútbúgving í heilsufremjan og er ph.d. lesandi á
Heilsugranskingareindini í Sjúkrahúsverkinum. Hon granskar í viðurskiftum, ið eru viðvirkandi til, hvørja fatan tann einstaki føroyingurin hevur um dálkingarevni í grindahvali.
Í framløguni greiðir Elsa Fróðadóttir Helmsdal frá eini spurnarkanning um, hvat føroyingar
halda um grindadráp.

Forrest Gump er ein eitt sindur seinførur, men hjartansgóður ungur maður úr suðurstatunum. Hann kemur av óvart í samband við teir týdningarmestu persónarnar og tær mest avgerandi hendingarnar í USA í miðjuni á 20. øld. Men gjøgnum alt lívið jagstrar hann kanska til onga nyttu tann stóra kærleikan, sum er barndómsvinkonan Jenny. Lívið er sum ein konfekteskja, tú veitst ongatíð rættiliga, hvat tú fært.
Leikarar: Tom Hanks, Robin Wright Penn, Gary Sinise, Mykelti Williamson og Sally Field.
Leikrit: Eric Roth eftir skaldsøgu hjá Winston Groom.
Leikstjórn: Robert Zemeckis.