Skrá Sjón

Áin til fortíðina.
Ferðin hjá doodjiarum nærkast endanum, tá teir finna ein bát við eitt óhugnaligt vatn. Hann skal føra Enyo og Shamani, sum er sera veikur nú, aftur í fortíðina. Quag Naga er í hølunum á teimum, men tað eydnast Shamani at lumpa hann. Enyo skilir nú, hvør Quag Naga veruliga er og roynir at ávara Aglulu-fólkið.

Í "Snipp snapp" eru teknifilmar, ið eru ætlaðir smáum børnum. Hesaferð eru teknirøðirnar Labbaliðið, Sára og Dunna og L fyri lomb.

KORK á Karl Johan gøtuni í Oslo, tey fagna várinum og tónleikinum við Vár á Karl Johan eftir Fritz Austin.

Hugurin kemur og fer ígjøgnum lívið. Tú kanst hava livað við sama maka í áratíggju, ella ikki havt nakran í langa tíð. Hvussu ger ein, um ein vil fáa hugin aftur og tora at nærkast og hava sex aftur? Sexologurin Malena Ivarsson gevur góð ráð. Barbro ?Babzan? Ekdahl Gutesjö, kend úr Hotell Romantik, sigur frá upp- og niðurtúrum í sínum sexlívi. Viðverturin Ingmar Skoog sigur frá síni gransking, sum gevur innlit í sexlívið hjá 70 ára gomlum.

Høgt uppi og við útsýni so langt eygað røkkur. Imponerandi háhús eru ikki longur einans í størstu býunum í Danmark. Men hvat kosta marglætisbýli á toppinum - í ávikavist Silkeborg og Nørresundby?Tað eru Peter Ingemann og ognarseljararnir ikki samdir um.

Við Peter Ingemann, Anders Gerner Frost og Claus Dreyer.
Sesong:2.
Partur:2.
Framl.ár:2023
Framl. fyri:TV 2 DANMARK

Vit hava ein sannan sprittklassikara, ?Penne a la Vodka?, danska favorittin ?Whisky Sauce? og enda við altjóða meistaraverkinum ?Tipsy Cake?, sum er ófatiliga krevjandi og ófatiliga gott. Uppgávan er so umfatandi, at Brøðurnir Price fáa hjálp frá smiðnum Buller og lærlingi hansara, Ingeborg.

Ongantíð fyrr hevur tað eydnast nøkrum danskara at náa tindin á heimsins hægsta fjalli uttan at hava ilt við sær, men nú eru tveir klintrarar, ið ætla at royna. Morten Spiegelhauer fylgir við á hesi torføru ferðini í tí tunnu luftini í meir enn 8000 m hædd.
Framl.: TV 2
Framl. ár: 2018

Í 2020 var ikki møguligt at halda stóra tvørkirkjuliga
tiltakið TeenStreet orsakað av covid-19 farsóttini.
Í staðin varð tiltakið hildið á netinum, har ein føroyskur tónleikabólkur framførdi lovsang, ið varð stroymdur út til 40 lond.

Fyrsta av fimm konsertum við TeenStreet lovsangi frá januar 2021.

Um miðjan august í 1807 fór skipið Anna Maria av Havnini og setti kós móti Keypmannahavn, eftir at hava skipað upp farm í Føroyum. Á vegnum, sunnan fyri Noregi, rendi Anna Maria seg í bretska herskipið HMS Defense, sum legði hald á skipið. 217 ár seinni komu fornfrøðingar á Tjóðskjalasavninum í London fram á skjøl, brøv og sjey pakkar frá Onnu Mariu. Hvat stendur í brøvunum og hvat er í pakkunum? Vit fylgja umboð fyri Tjóðsavnið, tá tey vóru í London og lótu brøv og pakkar upp fyri fyrstu ferð í 217 ár.

Bogi Hansen er havfrøðingur á Havstovuni.
Framløgan hjá Boga Hansen snýr seg um hitan á Landgrunninum, ið er øktur umleið eitt stig seinastu øldina. Í framløguna útgreinar hann, hvussu nógv av hesum er náttúrligt, og hvat stavar frá menniskjaskaptu veðurlagsbroytingunum.

Í Norðurfraklandi undir fyrra veraldarbardaga eru tvey bretsk herlið í vanda fyri týskum slysálopi. Einasti mátin at sleppa undan álopi - og bjarga 1600 hermonnum - er at fáa boð avstað til herliðini gjøgnum onga manna land við kuréri. Hermenninir Blake og Schofield (Dean-Charles Chapman, George MacKay) fáa ta týdningarmiklu og serstakliga vandamiklu uppgávuna. Filmurin varð tilnevndur til tíggju Oscars og vann tríggjar. Leikstj.: Sam Mendes (Skyfall, Revolutionary Road).

Upprunah.:1917
Framl.ár:2019
Aldursmark:15.