Janus Jensen er hálvur toftamaður og hálvur hvalbingur. Pápin var Elisandur Jensen, ættaður úr Garðsenni í Hvalba. Hann var skipsføraralærdur og sigldi leingi við skonnartini ”Kongshavn”. Mamma Janus, Katrina, var dóttir Theodor Poulsen á Heyggi og Annu úr Leigustovuni á Toftum. Theodor átti og førdi sluppina ”Annu”, sum fór á land í Íslandi og fórst við allari manningini. Anna sat nú einkja á øðrum sinni við fimm børnum. Yngst var Katrina, fødd í 1923. Brøður hennara vóru Hendrik, Maggi og Palli. Tá mamman doyði um 1940, tók Katrina húsarhaldið uppá seg. Brøðurnir vóru til skips.