New Wave og Post Disco kalla tey handan stílin. Við Let's Dance fekk David Bowie eitt nýtt og ungt publikum. Sjálvur segði hann seg ikki kenna tey og heldur ikki vita, hvat tey vildu honum. Tey høvdu neyvan nógvar Velvet Underground plátur í savninum, legði hann afturat. Av somu orsæk royndi hann við tveimum teimum næstu útgávunum at leggja sjógv ímillum seg og nýggju lurtararnar, serliga diskofólkið.

Fleiri hava skrivað, at hóast Bowie og plátufelagið vóru samd um hittlistafokuseringina við Let's Dance, so helt hann tað innibera okkurt ófrættakent at vera hittlistassangari. Seinni í 80'unum setti hann sær so fyri at enduruppfinna sín listaliga stíl. Heilt síðan fyrstu pláturnar hevur David Bowie verið øðrvísi og oftast eitt alternativ til dagsins mainstream....og tá hevur hann kanska hugsað, at hann ikki mátti missa tað listaliga aspektið, sum karrieran hevði bygt á síðan trýssini.

Plátubarrin 10. desembur 2022