TEMAPLÁTAN: 'Night Birds', Shakatak, 1982 + eykaløg og viðmerking

29-04-2023

Hetta er tann best umtókta útgávan hjá enska bólkinum, Shakatak, ið spælir eitt slag av funk-jazz-poppi. Heitislagið á plátuni er eisini bólksins stóri poppklassikari.

Sjey av tilsamans átta løgum á 'Night Birds' heildarútgávuni verða spæld; okkurt er stytt. Men fyri at fáa enn betur innlit í áttatiára Shaktak, lata vit eisini onnur hitt hjá bólkinum ljóða. Umframt eitt rættiliga nýtt lag. Haraftrat viðmerkir guitaristurin, Leivur Thomsen, bólkin Shakatak, ið hann sum partur av Plúmm eisini spældi í áttatiárunum.

Á wikipedia stendur, at Nigel Wright og DJ Kev Roberts stovnaðu Shakatak, og síðani verður lopið fram í tíð. Men við at kanna aðrar heimildir ber til at stykkja søguna betri saman. Kev Roberts var sum DJ heitið sigur ikki ein tónleikari, men ein, ið gjørdi eitt stórt arbeiði fyri at bera soul-tónleikin fram millum bretar. Hann kom í samband við tað, sum skuldi blíva Shakatak, tí hann kendi teirra umboðsmann, Les McCutcheon, skrivar discogs.com. DJ Kev Roberts stovnaði sítt egna plátufelag, Destiny, har hann gav tónleik hjá Shakatak út, ella rættari fleiri nøvnum við Shakatak-tónleikarum, eitt var The Destiny Orchestra og annað var Tracks; Shakatak navnið var jú ikki veruleiki fyrr enn plátuhandilin, London Record Schack, sýndi teimum áhuga og gav íblástur til navnið.

Plátubarrin 29. apríl 2023

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.

TEMAPLÁTAN 30: 'The Division Bell', Pink Floyd, 1994

'High Hopes' og 'Take It Back' er tvey kend løg frá hesi art-rock útgávu, hvørs reyði tráður er samskifti og trúgvin á, at gott prát kann loysa nógvar millum-manna-fløkjur.

18-04-2024

Táttur í Plátubarrini 7.4.24: Shakin' Stevens hittparada

Spæld verða ellivu av best umtóktu løgunum hjá rock and roll- og poppsangaranum, Shakin' Stevens, sum framvegis er virkin. Hann hevur havt 33 singleplátur á UK Top 40.

11-04-2024

TEMAPLÁTAN: Boston, Boston, 1976

Tað tók fleiri ár at gera tilfarið til Temaplátuna, men úrslitið var eisini væleydnað. Útgávan tók sølumetið fyri eina frumútgávu og framvegis spæla vit More Than a Feelin'.

23-03-2024

TEMAPLÁTAN: 'Tíð', Deiggj, 2023 + prát

Onnur útgávan hjá Deiggj. Nógv spæld løg í útvarpi hava verið 'Hví grætur tú', 'Í viðarlundini', og 'Kom lat okkum dansa'. Stílurin er nakað mjúkari enn á fyrru útgávuni.

16-03-2024

Temaplátan: 'NALJA', Elin & Kári, 1988 + prát við Elina um verkið

'Á, tann deiliga Havn', 'Sjeikurin', 'Hygg at mær', 'Eitt dýpi av dýrari tíð'; landaplágurnar eru nógvar á Nalja útgávuni. Í summar '24 fara tey bæði aftur á pallin at syngja.

09-03-2024

TEMA40: 'The Works', Queen, 1984 + eykalag

Hetta 11. albumið er ein tann best umtókta útgávan hjá Queen við løgum sum Radio Ga Ga, I Want To Be Free, It's a Hard Life, Hammer To Fall, og Is This The World We Created.

02-03-2024

TEMAPLÁTAN: London Town, Wings, 1978 + eykaløg

Her árið fyri seinastu innspælingarnar hjá Wings, gav bólkurin okkum vælumtóktar perlur sum 'With a Little Luck', 'Deliver Your Children', 'Name and Adress', og 'London Town'.

24-02-2024

TEMAPLÁTAN 40: '1984', Van Halen '84, við viðmerkingum og eykatilfari

'1984' er kendasta útgávan hjá Van Halen. Hon hevur eisini bólksins størsta hitt, 'Jump', umframt kend løg sum 'Panama' og 'Hot For Teacher'. Talan er um hard- og heavyrokk.

03-02-2024

Gott nýggjár í Plátubarrini: Herborg Torkilsdóttir, sangari, 2. partur

Góða lagið heldur fram, tá Herborg seinni um kvøldið aftur sessast við borðið í PB at undirhalda lurtarunum, sum bæði fáa skemtiligar søgur og hugvekjandi prát í nýggjársgávu.

01-01-2024

Gott nýggjár í Plátubarrini: Herborg Torkilsdóttir, sangari, 1. partur

Herborg er í góðum hýri, her hon vitjar PB nýggjársaftan. Við støði í hennara tekstum spinna hon og verturin fram eina stuttliga og hugvekjandi løtu síðsta kvøldið á árinum.

01-01-2024

TEMAPLÁTAN: 'Supernatural', Santana, 1999

Albumið kann kallast eitt slag av verkætlan við nógvum gestatónleikarum. Plátufeløgini høvdu ivast í Santana, men við hesum prógvaði Carlos, at hann framvegis var nýhugsandi.

02-12-2023

TEMAPLÁTAN: Vital Signs, Survivor, 1984

Hetta er tann næstbest umtókta av 'stóru' útgávunum hjá Survivor, og tann fyrsta við Jimi Jameson á forsangi. Eitt lag er 'Popular Girl'.

18-11-2023