Sunnukvøldið fer fyrsta ungdómssendingin hjá Röddini í luftina!

Sunnukvøldið fer fyrsta útvarpssendingin hjá Röddini í luftina. Sendingin eitur Reiðrið og er ein fjølbroytt ungdómssending, sum verður at hoyra hvørt sunnukvøld frá kl. 20 til 21. Vertir eru Rannvá Egholm og Eir Nolsøe. 

Í fyrstu sendingini tosa vit millum annað við Adam Andreassen og Símun Petur Venned, sum ikki heilt eftir ætlan gjørdist ungir pápar. Vit finna útav, hvat Brynhild Thomsen hevði ynskt, at hon visti, tá hon var 18, og Anný Djurhuus frá Fjøllini Dansa tosar um menstratiónsblóð-myndarøðir, og hvussu tað er at vaksa upp í Runavík, tá mann er tann einasti við svartari varrastift og blómukransi í hárinum. 

Tjekkið tað út -  sunnukvøldið kl. 20!