Hamferð kunnger útgávudato og nýtt lag av komandi fløguni

Góð tíðindi til føroyskar tungmálmsfjepparar. Fyrsta fløgan hjá Hamferð kemur út 11. oktobur - ein dag áðrenn útgávukonsertina saman við íslendska bólkinum Sólstafir í Norðurlandahúsinum. Á Facebook-síðu síni avdúka Hamferð, at navnið á fløguni, sum leingi hevur verið loyniligt , er Evst. Fløgan verður givin út í Týsklandi, Eysturríki og Sveis 15. oktobur. 

Evst er ein konseptfløga, og Jón Hansen, sum skrivað tekstirnar og er forsangari, greiddi fyrr í ár í samrøðu við Röddina frá, at hon snýr seg um ein pápa, sum missir son sín burtur í ódnarveðri. Hann greiddi eisini frá, at hann fær nógvan íblástur frá føroysku náttúruni og huldusøgum. 

Hoyr lagið Evst av komandi fløguni her. 

Hoyr eisini reportasjuna DOOM Í DÓMKIRKJUNI um konsertina hjá Hamferð í Havnar kirkju í januar.