Øssur Johannesen: Eg fylli tómleikan við listini

- Myndlist er ein háttur at málbera seg sjálvan. Men eg haldi, at myndirnar tala fyri seg.

Hetta sigur listamaðurin Øssur Johannesen í sjónbrotinum niðanfyri, sum er ein persónslýsing av teknaranum, málaranum, yrkjaranum og tónleikaranum Øssur, sum flutti til Danmarkar, tí hann ikki fekk frið at vera til í Føroyum.

- Eg bleiv illa viðfarin, so eg rýmdi. Eg bleiv álopin uttanfyri vertshús og sparkaður í høvdið.

Í sjónbandinum greiðir hann frá, at sum ungur málaði hann ofta landsløg, men tað er hann givin við. Nú hyggur hann ikki úteftir fyri at finna evni til sínar málningar, nú hyggur hann inneftir.

- Hetta er eisini ein lekingargongd, tí eg havi verið plágaður av sálarligari sjúku mesta av lívinum. Hetta er mín máti at grøða meg sjálvan. Tað hevur okkurt við einsemið at gera. Mann fyllir ein tómleika við at tekna, mála og skriva yrkingar, og tað geri eg eisini.

Síggj alt sjónbandið, sum er á donskum, her (leinkjar til Youtube).