Gerst maltesiskur ríkisborgari fyri fimm milliónir krónur

Maltesiska stjórnin vil vinna meira pening í landskassan við at selja 1.800 ríkisborgaraskapir, men hetta hevur elvt til harðmælt kjak í ES tinginum.

- Tað er ósamsvarandi, at ein oyggj, sum er kend fyri, at hundraðtals fátøk flóttafólk drukna, tá bátar søkka rundan um hana, nú skal selja ríkisborgaraskap til øll tey, sum hava ráð at punga út við so nógvum pengum, sigur danski ES tíðindamaðurin, Niels Kvale, við DR.

Umsøkjarar noyðast ikki at fáa sær fastan bústað á Malta, men kunnu flyta runt sum allir aðrir ES borgarar hava rættindini til, eins og tey kunnu ferðast inn í onnur lond uttan at søkja um visum fyrst.

ES hevur ikki heimild til at steðga Malta í at fremja hetta uppskot í verki, tí tað málið um ríkisborgaraskapir er innlendismál, og uppskotið kemur væntandi at virka frá byrjanini av februar í ár.

Les alla greinina á dr.dk her.