Vís mær títt lestrarlív - Jógvan Kallsgarð, Føroyar

Röddin setur í løtuni fokus á lestrarlívið, nú tíðin nærkast, har freistirnar til at søkja inn á skúlar eru av. Fylgið við á heimasíðuni komandi tíðina, har vit fara í dýpdina við ymiskum lestrarbýum og útbúgvingum.

 

Hesin tátturin snýr seg um at seta myndir á ymsu lestrarbýirnar, so tað verður lættari fyri teg at ímynda tær lestrarlívið.

 

 

Jógvan Kallsgarð – Tórshavn, Føroyar

 

Persónurin, sum hesa ferð vísir okkum sítt lestrarlív, er 23 ára gamli Jógvan Kallsgarð, sum lesur í Tórshavn í Føroyum

 

Jógvan lesur sosialvísindi og samfelagsplanlegging á Setrinum, sum liggur í Havn.

 

Les meira um Setrið her.

 

3 ráð frá Jógvani

 

1. Um tú ætlar at vera lesandi á Setrinum og býrt uttan fyri Havnina, er eitt gott hugskot at fáa viðurskiftini við SSL og busskortunum í rættlag skjótast gjørligt.

 

2. Tað er ikki altíð, at lestrarstuðulin er nóg mikið at liva av, og tí kann tað verða neyðugt við arbeiði afturat lesnaðinum. Av tí at tímatalvan broytist hvørt semestur, er tað sera gott við einum arbeiði, sum hevur ymiskar arbeiðstíðir (sjálvt um hesi ikki hanga á trøunum).

 

3. Tá ein fer í holt við at skriva sína fyrstu uppgávu, er ofta ringt at vita, hvar ið ein skal byrja. Her ber altíð til at spyrja læraran, hvat tilfar er viðkomandi at lesa. Spyr heldur eina ferð ov nógv enn ov lítið.
 

 

Röddin hevur biðið Jógvan um at taka myndir av sínum skúla, undirvísingarhøli, kantinu og bústaði.

 

Skúlin

 

Søgu og samfelagsdeildin (SSD)

 

Bókasavnið á søgu og samfelagsdeildini

 

Seturskaféin har tey lesandi kunnu hugna sær aftan á skúla og til fríggjadagskafé

 

Borðtennisborð í seturskaféini

 

 

Undirvísingarhøli

 

 

 

Kantinan

 

Kantinan á søgu og samfelagsdeildini

 

 

 

Heima

 

Jógvan hevur íbúð í Klaksvík og koyrir til Havnar við bussinum, tá hann skal í skúla

 

 

Röddin ynskir Jógvani góða eydnu við útbúgvingini