Tungmálmur og gomul kvæði í Norðurlandahúsinum

Gamaní eru kvæðini gomul, og stundum er tað turt og keðiligt at at verða tvingaður í dansiringin í skúlanum upp undir føstu. Kvæðir kunnu tó verða ómetaliga spennandi og hugtakandi, tá ið tey verða latin í nýggjan ham. Tað hevur tungmálmsbólkurin Týr í øllum førum megnað.

Konsert í kvøld

Í kvøld spæla teir í Norðurlandahúsinum. Eisini verður føroyskur dansur at hoyra og síggja. Umframt hetta er sangur og einmansleikur á skránni, sum taka støði í kvæðum. Konsertin byrjar í kvøld kl. 19.00.

Alt hetta er í samband við at stórsligin kvæðaráðstevna er í Norðurlandahúsinum. Á sjálvari ráðstevnuni eru fjølbroyttir fyrilestrar um heilt gomlu kvæðini, nýggjari kvæði, homoseksualitet í kvæðum og modernaður tónleikur.

Hoyrir Swangað heima í ringinum?

Eitt nú fer ein fyrilestur at snúgva seg um Swangah og kvæðir. Tað hevði kanska verið áhugavert at hoyrt "Gev mær meira grind, fuck um tað er synd," í einum ringi?

Kvæðaráðstevnan byrjaði mánadagin 20. juli og endar hóskvøldið 23. juli við árligu dansináttini.Les meira á nlh.fo.