Kjakfundur um lestrarstuðul og Fróðskaparsetrið

Korini hjá teimum lesandi í Føroyum eru ikki tey somu sum í eitt nú Danmark. Fróðskaparsetrið og lestrarstuðulin hava mangan verið nakað, sum hevur verið kastað aftur og fram á politiska pallinum. Í kvøld tekur MFS hetta evni upp.

Í samband við løgtingsvalið skipar MFS fyri politiskum kjakfundi um hægri lestur í Føroyum í kvøld, týskvøldið 25. august, í Perluni í Tórshavn. Evnini verða lestrarstuðul og útbygging av Fróðskaparsetrinum. Umboð fyri politisku flokkarnar fara at greiða frá sínum sjónarmiðum og at kjakast.

Skráin fyri kvøldið er:

19.30: Dyrnar lata upp

20.00: MFS bjóðar vælkomin

20.05: Gestur Hovgaard hugleiðir um framtíðar avbjóðingar innan hægri útbúgvingar í Føroyum.

20.20: Steðgur

20.30: Kjakfundurin byrjar

22.00: Tiltakið endar

Rógvi Nybo verður orðstýrari. Tiltakið er ókeypis. Les meira um tiltakið her.