Vilt tú leika í nýggjum føroyskum filmi?

Annika á Lofti hevur nógvar royndir innan filmslist, og í 2012 vann filmur hennara, Mist, fyrstu Áskoðaravirðislønina á films-gallaveitsluni í Norðurlandahúsinum.

Nú leitar hon eftir leikarum til filmsverkætlanina "Góða Mary". Søgan í filminum er frá veruleikanum og snýr seg um ein drong í 1960'unum. Filmingin fer fram runt allar Føroyar.

Leita eftir tveimum leikarum

Leitað verður eftir tveimum dreingjum, ein at spæla høvuðsleiklutin og hin at spæla vinmaðurin hjá honum. Dreingirnir eru 12 ár í filminum, men mugu gjarna vera eldri í veruleikanum. Drongurin til høvuðsleiklutin skal vera so gamal sum gjørligt, gjarna 15, men síggja út til at vera 12 ár, tí leikluturin er so mikið krevjandi.

 
- Tað er ikki nemt, at finna ein leikara, ið er 15 ella eldri, sum kann spæla 12 ár. Og so upplivi eg eisini, at dreingir, ið eru 15, halda tað er flóvisligt, at teir siggja ungir út, sigur Annika á Lofti.

- Men øll eru vælkomin at søkja, hóast tey eru yngri. Vit vilja fegin hava foreldrini við í tilgongdini, serliga um talan er um ungar leikarar.

Upptøka við sjónbandi 

Tað eru eingi krøv til leikararnar annað enn at senda inn eina video audition. Viðheft er eitt skjal við trimum stuttum senum, ið eru skrivaðar til upptøkuroyndina. Tað stendur eisini, hvussu viðkomandi skal bera seg at.

Sjónbandið skal sendast til annikaalofti@mail.com, skjótast gjørligt.

-  Um mann er áhugaður í sjónleiki til film sum vinnuveg, so má mann hava eitt 'showreel'. Eitt showreel er eitt video, ið vísir, hvat tu ert før/førur fyri sum sjónleikari og sum vísir, hvussu tú sært út, hvussu tú ljóðar etc. Og tað kann leikarin fáa burtur úr hesum. Hesin leikluturin er sera krevjandi, men tí eisini gull verður til showreel materiali, sigur Annika á Lofti.

Sí og heinta niður skjalið her.