Pop-up matgerð og kokkagleði

Bukkakokk er eitt afturvendandi og øðrvísi tiltak, sum er fríggjadagar í Sirkus Föroyar. Ein kokkur, ein matelskari, verður bukkaður til at gera ein serrætt, tú annars ikki fært á eini matstovu. 

Hesa ferð er tað 25 ára gamli Áki Herálvsson, sum stendur fyri matgerðini. Hann hevur fortíð sum ein av høvuðskokkunum á Koks matstovuni á Hotel Føroyum og á navnframu matstovunum Relæ og Noma í Keypmannahavn.

- Matur snýr seg um stemning. Eg haldi til dømis, at seyðarhøvd er tað besta, sum er. Men tað kemur ann uppá, hvar eg eri. Eg kann sita og drekka ein latte á kaffihúsi, og hann smakkar skidevæl. Men um tú drekkur ein pulvurkaffi úti á sjónum, er hann tað besta, tú kanst fáa í heiminum júst tá. Tín hugur, tínar kenslur og umstøðurnar rundan um teg í løtuni, tú etur ella drekkur okkurt, hava líka nógv at siga sum tað, tú koyrir í teg, sigur Áki í samrøðu við Sirkus Föroyar.

Áki fer at borðreiða mjúkt oksatartar við íblástri frá Nørrebro, har hann arbeiddi fyri nøkrum árum síðani. "Tað er bleytt og kalt og skal tyggjast. Er ikki sum, men er rátt kjøt" Afturvið hesum vera frískar kryddurtrar og sitrónsaft, sinnopsmayonnaise og breyð.

Les meiri um tiltakið og melda teg til á Facebook síðuni.