RøddinLive: Fiskivinna, au-pair í Fraklandi og tannlæknavitjan

Tað er aftur í fríggjakvøld, og RøddinLive fer í luftina - tó klokkan 20.

At blóðga, ein strámaður og uppboðssøla. Orðini eru kend, men kennir tú týdningin? Vit spyrja Sigmar Bláberg, tíðindamann, hvat hesi og fleiri onnur fiskivinnuorð merkja.

Leygarkvøldið verður TalGILDIÐ aftur í Perluni, har elektrotónleikurin hertekur føroyska pallin. Vit fregnast, hvat fyriskiparin heldur um føroyskan elektrotónleik og hetta tiltakið.

Í Fraklandi eta tey baguette og drekka vín – og tað ger Sissal Drews Hjaltin, sum er au-pair í Fraklandi, eisini. Fleiri taka eitt fríár frá skúla fyri at arbeiða. Millum vanligastu arbeiðplássini eru barnagarður, frítíðarskúli og fiskavirki. Sissal valdi kortini nakað heilt annað. Hon fór til Fraklands sum au-pair. Vit fregnast, hvussu tað er.

Minst til at busta tenninar! Hvussu ofta hava vit ikki fingið ta áminningina gjøgnum ár og dag? Torbjørn setur seg í stólin hjá tannlæknum. Og tá hann ikki gapar og sigur "AAAAAHHH," prátar hann við tannlæknan um tannrøkt.