- kanska eri eg bara fødd til at vera tann, sum skal syngja

Tóra Pálsdóttir Isholm og Sólveig á Torvlaðnum hava gjørt samrøðuna 

Ester er 18 ára gomul og er júst flutt til Føroya eftir at hava gingið eitt ár á einum donskum bíbliu-eftirskúla, ið kallast Euroclass. Til dagliga gongur hon í 1.g í Hoydølum, har hon gongur á listaleið. Líka síðan Ester var heilt lítil, hevur hon sungið, og longu í 7. flokki fór hon í holt við at skriva egnar sangir. Hon hevur sjálv lært seg at spæla klaver, garage band, og at syngja.   

Afturat tónleiki hevur hon stóran áhuga innan list. Hon bæði teknar og málar, men sum hon sjálv sigur, so dámar henni best at tekna. Hon hevur millum annað málað vegginar inni í kamarinum hjá sær og hevur nógvar tekningar inni í hennara kamari. Ester fortelur eisini, at við tónleiki og list, so hevur hon altíð ein máta at sleppa sær av við kenslurnar, tá lívið gerst trupult. Um hon sjálv skuldi lýst sín tónleik, so vildi hon mett, at hann fylgir hennara perónligu upplivingum og kenslum.