- Tíðindi, mentan og ítróttur
Tá Grønland bjargaði Føroyum
Klokkan 14:10 mikudagin 24. juli 1963 sendi farmaskipið Blikur hjá Skipafelagnum Føroyar út neyðarkall um Prins Christians Sunds Radio, samstundis sum boð vórðu givin um at fólkið skuldi fara í bátarnar. Øll fólkini vóru bjargað, men Blikur søkkur á Kappanum.
Tvær vikur frammanundan var Blikur farin av Havnini til Grønlands við útróðrarmonnum, og tá skipið sakk, var tað á veg úr Føroyingahavnini suður í Kappahavnina við fólki og útgerð.
Ein, ið var við hendan lagnutúrin, var Hans Jørgensen úr Miðvági, og hetta var fyrsti túrurin, har ið hann av álvara skuldi fara til skips, og tað var til lands í Grønlandi.
Í søguliga partinum sigur Jógvan Arge, rithøvundur og journalistur, okkum um eitt nú byrjanina hjá Nordafar og hvør forsøgan er til felagið.
Eisiini hitta vit Olaf Olsen, ið var skipari á Ólavi Halga, ið bjargaði manningini á norska trolaranum Dragaberg, sum hevði siglt á Portugisaraboðan.
Tú kanst hoyra sendingina her!