Við Tórði á túri á Sjúklingahotellinum Tórshavn

11-10-2021

Fyri føroyingar hevur Sjúklingahotellið Tórshavn í Keypmannahavn stóran týdning, tí tað er heimið hjá nógvum sum søkja sær heilsubót í danska høvuðsstaðnum

Sjúklingahotellið Tórshavn í Venøgade 8 í Keypmannahavn er ein føroyskur blettur mitt í danska høvuðsstaðnum og millum tey stóru sjúkrahúsini her. Og her kenna føroyingar, sum koma til Danmarkar at søkja sær heilsubót, seg veruliga heima, eru øll á einum máli um.

Ragna Vilhelmsdóttir, Vilhelm Johannesen, Andrias Arge, Sigrid Bech Nolsøe, Erla Bech Nolsøe og Johild Jacobsen, sum partvís eru sjúklingar og partvís fylgjarar, eru øll væl nøgd at búgva á Sjúklingahotellinum og tey eru á einum máli um, at tað er heimligt at vera her. Onkur nevnir, at tað kennist sum at vera heima í Føroyum.

Nancy Hansen í móttøkuni, Beinta Dam og Anna Maria Poulsen, sjúrakrøktarfrøðingar, og Lene Hallig, leiðari, greiða frá dagliga arbeiðnum á Sjúklingahotellinum. Tær greiða m.a. frá, at tey nú hevur meira virknan leiklut í sjúkraviðgerðini hjá fólki nú enn fyrr. Starvsfólkið leggur stóran dent á at gera tað so heimligt sum møguligt fyri føroyingar, ið koma til danska høvuðsstaðin at søkja sær heilsubót.

Hallur Hansen koyrir bussin hjá Sjúklingahotellinum og hann hevur úr at gera at fáa alt at passa saman, tí sjúklingarnir skulu koyrast aftur og fram. Og Solveig Jørgensen í køkinum greiðir frá, at tey leggja dent á at hava mat, sum føroyingum dáma.

Og Marita Andrasardóttir, leiðari á uttanlandstænastuni á Landssjúkrahúsinum, greiðir frá samskiftinum millum sjúkrahúsini í Føroyum og Sjúklingahotellið Tórshavn.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

Við Tórði á túri um Skopunarfjørð

Alt verður lættari, og tey fáa fleiri tímar um samdøgrið, siga pendlarar, nú Sandoyartunnilin verður tikin í brúk. Men tey fara at sakna hugnaligu prátini umborð á Teistanum

11-12-2023

Við Tórði á túri - fransiskanarsystrarnar fara

Fransiskanarsystrarnar í Havn hava verið greiðar yvir, at einferð kom dagurin at tær máttu fara úr Føroyum. Og nú er dagurin nær, tí í juni komandi ár fara tær avstað

04-12-2023

Við Tórði á túri Millum Gilja í Hoyvík

Býlingurin Millum Gilja var slóðbrótandi tá útstykkingin varð gjørd seinnapartin í áttatiárunum. Har eru bæði randarhús og vanlig sethús og nú búgva umleið 600 fólk har

27-11-2023

Við Tórði á túri í Hvannhaga

Hvannhagi er eitt vakurt og sermerkt náttúruøki í norðaru helvt av Suðuroynni. Menn úr Nepal hava nú laðað eina vakra gróttrappu, eina sherpatrappu, niður í Hvannhaga

20-11-2023

Við Tórði á túri við Gongufelagnum í Havn

Tey, sum ganga við Gongufelagnum í Havn, uppliva allar Føroyar. Í samfull 30 ár hava 40 gongutúrar verið um árið og eingin túrur er avlýstur

13-11-2023

Við Tórði á túri i Aalborg - seinni partur

Í Aalborg eru nógvir føroyingar, og í hesum seinna partinum hoyra vit m.a. umboð fyri Føroyingafelagið Álaborg greiða frá virkseminum hjá føroyingum í býnum

06-11-2023

Við Tórði á túri í Aalborg - fyrri partur

Aalborg er ein nógv broyttur býur, frá at vera ein gráur ídnaðarbýur er hann blivin ein mentanarbýur við nógvum lesandi ungfólkum. Vit hoyra at føroyingar trívast væl í býnum

30-10-2023

Við Tórði á túri á Heystfagnaði á Eiði

10. Heystfagnaðurin hevur júst verið á Eiði og hetta tiltakið er komið fyri at vera, og fólk á Eiði eru glað fyri av skipa fyri bygdasligasta tiltakinum í landinum

23-10-2023

Við Tórði á túri á Økrum

Akrar varð bygd fyri góðum 200 árum síðani. Hon er niðursetubygd frá Sumba. Her hava búð meira enn 60 fólk og nú eru tey 12 sum búgva fast í bygdini

16-10-2023

Við Tórði á túri á Uppsølum í Klaksvík

Uppsalar er ein av teimum fýra elstu býlingunum í Klaksvík og var tann størsti. Hann hevur røtur heilt aftur í víkingatíð

09-10-2023

Við Tórði á vatnatúri saman við Dalsgaard og Sigvardsen

Gomlu starvsfelagarnir Asfinn Sigvardsen og Jens Dalsgaard settu sær fyri trimum árum síðani fyri at ganga til øll vøtn í Føroyum. Í dag eru vit við teimum til seinasta vatnið

02-10-2023

Við Tórði á túri á oynni Egholm

Eitt vikuskifti í summar samlaðust skyldfólk úr Egholmsættini í Føroyum á oynni Egholm í Limfjørðinum við Aalborg, haðani navnið á hesum eftirnavninum kemur.

25-09-2023