Góður fjølmiðlasiður

Um KVFOkkara leiklutur
Góður fjølmiðlasiður
Hvat er góður fjølmiðlasiður, og hvørjum fakligum dygdum arbeiða vit eftir? Fá meiri at vita her
Mynd: Bjarni Árting Rubeksen  
 
11/01/2021 - 14:30

Kringvarpið sæst og hoyrist av hvørjum húski í Føroyum, og allir føroyingar kunnu hoyra og síggja sendingar Kringvarpsins á alnótini.

Sum miðil byggir Kringvarpið alt sítt virki á meginreglurnar um góðan fjølmiðlasið. Í arbeiðinum leggja vit okkum eftir at hava stórt trúvirði, vera óheft, hava fjølbroytni og breidd og dygd.

Men vit kunnu eisini gera mistøk. Tí er umráðandi, at borgarin veit, at hann ella hon kann gera vart við seg, um viðkomandi metir seg líða órætt vegna brot á góðan fjølmiðlasið. 

Borgari, sum heldur seg líða órætt, kann venda sær til leiðsluna í Kringvarpinum. Eisini kann viðkomandi kæra Kringvarpið til Fjølmiðlanevndina vegna brot á góðan fjølmiðlasið.

Fjølmiðlanevndin

Eftir lógini um fjølmiðlaábyrgd, sum varð sett í gildi í 2006, setir landsstýrismaðurin eina fjølmiðlanevnd við fýra limum. Landsstýrismaðurin tilnevnir ein lim, sum skal vera løgfrøðingur. Føroya Blaðmannafelag – nú Føroysk Miðlafólk – velur ein lim. Miðlaleiðslurnar – redaksjónirnar – velja ein lim. Og eftir tilmæli frá Fróðskaparsetrinum verður ein limur valdur sum umboð fyri almenningin. Eisini verða fýra tiltakslimir tilnevndir.

Tann fyrsta fjølmiðlanevndin – Barbara Vang, tilnevnd fyri landsstýrið, Halgir Winther Poulsen, umboðandi almenningin, Jóhann Mortensen, umboð fyri redaksjónirnar, og Ingolf I. Olsen, valdur fyri journalistarnar – orðaði “Leiðreglurnar um goðan fjølmiðlasið”, sum vóru staðfestar í 2008.

Politiskar og hugsjónarligar treytir 

Kringvarpið hevur sum gjaldsfíggjaður public service-stovnur ávísar skyldur í arbeiðnum at fremja sítt virksemi. Yvirskipað er virksemið skrásett í public service-sáttmála millum Kringvarpið og Mentamálaráðið. 
Harafturat eru lógin um kringvarp, fjølmiðlaábyrgdarlógin, revsilógin og reglur um fjølmiðlasið viðkomandi fyri virksemi Kringvarpsins. Kringvarpið skal halda seg innan karmarnar í hesum sáttmála, lóggávu og reglum.
Eisini skal Kringvarpið hava stórt trúvirði í síni miðling, vera óheft, hava fjølbroytni og breidd og dygd.

Sí leiðreglurnar um góðan fjølmiðlasið her.

Sí fjølmiðlaábyrgdarlógina her.

Sí kringvarpslógina her.

public service-sáttmálar her.

 

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585

Um kvf css