Kringvarpsgjald og fíggjartøl

Um KVF›Okkara leiklutur

Les um inntøkugrundarlagið hjá stovninum

Mynd: Bjarni Árting Rubeksen

01-11-2021

Virksemið hjá Kringvarpi Føroya verður fíggjað við kringvarpsgjaldi, kunngerðarinntøkum, sponsorering og øðrum virksemi, sum er knýtt at uppgávum stovnsins. Harumframt fær KVF inntøkur frá Gekkinum.

Kringvarpsgjald, kunngerðar- og sponsorinntøkur

Inntøkurnar stava í høvuðsheitinum frá kringvarpsgjaldi. Galdandi skipan fyri kringvarpsgjald kom í gildi 1. januar 2016. Í juni 2024 varð kringvarpsgjaldið hjá persónum hækkað, og samstundis varð tað lækkað hjá smærri virkjum og stovnum. Kringvarpsgjaldið hjá persónum er síðani prístalsjavnað árliga.

Útvarpskunngerðir eru alsamt fækkaðar í tali, so hvørt sum netmiðlar hava vunnið fram, og hendan gongdin heldur fram.

Tað er loyvt Kringvarpi Føroya at hava sponsorinntøkur í ávísum førum. Talan skal vera um serstøk tiltøk, sum verða samskipað við aðrar aktørar, tað kann vera stór og avgerandi ítróttatiltøk, tónleika- ella onnur umfatandi mentanartiltøk.

Niðanfyri sært tú yvirlit yvir inntøkur og útreiðslur hjá Kringvarpinum seinastu trý árini:

inntokur.png