Teksting og tulking

Kringvarp Føroya teknmálstulkar í samstarvi við viðkomandi partar tíðindi og sendingar, ið hava stóran samfelagsáhuga, beinanvegin. Kringvarp Føroya samskiftir og samstarvar við deyvaumhvørvið, so at játtanin til teknmálstulking verður brúkt á skilabesta hátt. Í hesum sambandinum er studio til teknmálstulking gjørt, eitt studio, sum Deyvafelagið fær ábyrgdina av at reka fyri ta játtan, sum er sett av til hetta á fíggjarlóg landsins.

Dagur og vika og gudstænastur í sjónvarpinum verða tekstaðar. Sendingar, ið hava stóran samfelagsáhuga og -týdning, eitt nú valsendingar og viðkomandi dokumentarsendingar, eiga at verða tekstaðar skjótast gjørligt. Kringvarpið sendir beinleiðis tekstfrásøgn frá tíðindafundum, sum snúgva seg um tilbúgving.

Miðað verður ímóti at veita einfaldar alnetstænastur til fólk við sjón- ella hoyribreki.

Her finnur tú teknmálstulkaðar sendingar.