Norðmenn illir um føroyskt bann

13.02.2018 - 11:24
AktueltVinna
Norðmenn illir um føroyskt bann
Noreg missir rávøru, nú føroysk skip ikki sleppa at landa fisk í Noregi. Tað sigur stóra vinnufelagið Norsk Sjømat. 
Mynd: Savnsmynd  
 
 

Felagið er, sambært tíðindaskrivi, í øðini um føroyska stigið, sum felagið sigur, er sitt stig tann skeiva vegin í altjóða kappingini um rávøruna. 

Felagið, sum umboðar eini 550 virki í norska fiskiídnaðinum, sigur, at Noreg og Føroyar eiga sum skjótast at fáa í lag eina avtalu um frían handil við ráfiski.

- Eydnast tað ikki, eigur Noreg at seta móttiltøk í verk til dømis at seta landingarbann fyri norskan fisk í Føroyum og at seta fiskiveiðiavtaluna millum Noreg og Føroyar úr gildi.

Men felagið vil tó ikki krevja av norskum skipum, at tey landa í Noregi. Felagið vil hava frian handil og vil hava eina avtalu við Føroyar um, at føroysk skip sleppa at landa í Noregi.  

Sjømat Norge sigur, at í Skotlandi og Írlandi verður tosað um at seta í gildi somu reglur sum í Føroyum. 

Norska uttanríkismálaráðið hevur vent sær til donsku sendistovuna í Oslo um málið. 

Fyrispurningurin var, um tað er rætt, at bann er sett fyri at landa uttanlands, sigur Rógvi Reinert, aðalstjóri í Fiskimálaráðnum. Hann hevur greitt donsku sendistovuni frá, at so er sambært lógini um sjófeingi.  

Í 2000 landaðu føroysk skip góð 75.000 tons í Noregi.

Síðani minkaði tonsatalið nógv til 2006, tá tað var 66.500. 

Í fjør landaðu føroysk skip 6.860 tons av uppsjóvarfiski í Noregi.
 

Nýggjastu sendingar í ÚV
Leygardag 17. februar
Nú er leygardagur 170218
77695
Fríggjadag 16. februar
Morgunlestur fríggjadagur 16. februar 2018
77378
Hósdag 15. februar
Heindrikkur prinsur var so mangt
77640
Hósdag 15. februar
Morgunlestur hósdagur 15. februar 2018
77377
Nýggjastu sendingar í SV
Leygardag 17. februar
Hondbóltur: Kyndil - H71
77693
Leygardag 17. februar
Hondbóltur: VíF - Kyndil
77691
Fríggjadag 16. februar
Lyst 6
77638
Hósdag 15. februar
Gud signi Føroyar (1:6)
77596
Mánadag 12. februar
Upp á gólv
77506