Strika søluna av aliloyvum á uppboði

16.04.2018 - 09:49
AktueltPolitikkur
Strika søluna av aliloyvum á uppboði
Meirilutin í vinnunevndini mælir eitt nú til at strika heimildina at selja aliloyvi á uppboði, nú alilógin fer til aðru viðgerð í Løgtinginum
 
 

Løgtingið fer í dag at hava aðru viðgerð og atkvøðugreiðslu um nógvu broytingarnar í alilógini. Við nøkrum broytingaruppskotum mælir øll Vinnunevndin løgtinginum til at samtykkja uppskotið hjá Poul Michelsen, landsstýrismanni.

Meirilutin í Vinnunevndini hjá løgtinginum, hann eigur andstøðan, mælir tó til at strika heimildina at selja aliloyvi á uppboði. Meirilutin heldur tað vera løgið, at landsstýrið ger so stóran mun á fiskivinnuni og alivinnuni. 

Aliloyvini skulu framvegis galda í 12 ár. Í fiskivinnuni kunnu loyvini vera galdandi í mesta lagi í átta ár. 

Í alivinnuni skulu verandi fyritøkur varðveita øll síni loyvi, men í fiskivinnuni eru okkurt um 30% av loyvunum tikin frá verandi feløgum og skulu seljast á uppboðssølu ella latast øðrum, sigur meirilutin í Vinnunevndini.

Meirilutiun vísir eisini á, at tey sum fiska, skulu selja ein part av fiskinum á uppboði. Tað skulu alararnir ikki.

Minnilutin, sum í Vinnunevndini er samgongan, mælir til, at fjórða hvørt ár fyri 1.november leggur landsstýrismaðurin frágreiðing fyri løgtingið um støðuna í alivinnuni, og hvørjar ætlanir eru við henni.

Fyrsta frágreiðingin verður løgd fyri Løgtingið í 2020.

Løgtingið skal hava aðalorðaskifti um hesar frágreiðingar, heldur samgongan í Vinnunevndini. 

Trý onnur mál fáa eisini aðru viðgerð sambært dagsskránni fyri tingfundin í dag kl.10.00.

Og tveir skrivligir fyrispurningar skulu svarast.

Annar er um almennu skuldina, hin er um at tryggja fólki við serligum avbjóðingum og avvarðandi teirra rættindi, meðan verkfall er.
 

Nýggjastu sendingar í ÚV
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333