- Tíðindi, mentan og ítróttur
Alliansan útihýsur Svøríkidemokratunum
Alliansan útihýsur Svøríkidemokratunum
Borgarliga Alliansan er samd um, at vegurin fram til stjórnarvald er framvegis at halda Svøríkisdemokratarnar uttanfyri alla politiska ávirkan
Mynd: facebook.com
27.09.2018 - 10:47
- Vit fara ikki at samráðast við Svøríkidemokratarnar, sigur Ebba Busch Thor, leiðari fyri Krist-demokratarnar, við svenska blaðið Expressen.
Teir fýra flokkarnir hittust á fundi í gjár. Bara ovastu leiðslurnar í flokkunum vistu um fundin, og tað var fyri at halda fjølmiðlarnar burtur.
Fundurin vardi í ein tíma, og leiðararnir siga, at teir eru samdir um niðurstøðuna.
Tað merkir, at borgarligi blokkurin framvegis roynir at skipa stjórn - uttan stuðul frá Svøríkidemokratunum. Og tað merkir, at blokkurin kann ikki fáa meirluta.
Týsdagin mátti Stefan Løvfen leggja frá sær, eftir at meirluti í Ríksdegnum ikki hevði álit á honum. Løfven er nú leiðari fyri eini fyribilsstjórn í Svøríki.
Nýggjastu sendingar í ÚV
Nýggjastu sendingar í SV