Hefti tulkað sum fongsul upp í fýra mánaðir

07.01.2019 - 07:14
Aktuelt112
Hefti tulkað sum fongsul upp í fýra mánaðir
Tann, sum brýtur ásetingarnar um rúsdrekka í rúsdrekkalógini, kann fáa upp í fýra mánaða fongsulsrevsing, í ringasta føri upp í eitt ár
Tað kostar at bróta lógina um rúsdrekka.
 

Tann, sum brýtur ásetingarnar um rúsdrekka í rúsdrekkalógini, kann fáa upp í fýra mánaða fongsulsrevsing, í ringasta føri upp í eitt ár.

Matstovulógin fevnir nú eisini um skeinkingarreglurnar, sum eru fluttar hagar úr rúsdrekkalógini.

Tí er neyðugt at broyta rúsdrekkalógina, so samsvar er millum báðar lógirnar.

Broytingar í rúsdrekkalógini, um innflutning og sølu, eru sendar til hoyringar. 

Rúsdrekkalógin, sum er frá 1992, nevnir hefti sum revsing. 

Hefti ikki til longur

Fongsul upp í fýra mánaðir er nú tað sama sum hefti, sum varð strikað sum revsing í 2010.

Revsingin kann, sambært lógini, herðast upp í fongsul í eitt ár, um lógarbrotið er framt tilvitað ella av grovum ósketni, ella um talan er um endurtakandi brot. 

Og sambært lógini er heldur ikki neyðugt at fara í rættin við øllum málum.

Sambært rúsdrekkalógini kunnu lógarbrot verða viðgjørd sum politimál. 

Tað merkir, at politiið kann avgreiða mál við sektaruppskoti og á tann hátt sleppa undan at fara í rættin við hvørjum einstøkum broti.
 

 
Nýggjastu sendingar í ÚV
Leygardag 7. desember
Morgunlesturin leygardagurin 7.desember 2019
101960
Leygardag 7. desember
Kaffidussur við Sigrun Johannesen
101951
Fríggjadag 6. desember
Góðan morgun, Føroyar 6. desember 2019
101913
Fríggjadag 6. desember
Pressan: Fútaforboð og pressufrælsi
101910
Nýggjastu sendingar í SV
Hósdag 5. desember
Sí sendingina: Ein dagur í Nuuk
101848
Týsdag 3. desember
Kveikur: Samherjaskjølini (2:2)
101784
Sunnudag 1. desember
Andakt við Marjuni í Kálvalíð
101682
Sunnudag 1. desember
Guðstænasta í Mariukirkjuni
101705
Fríggjadag 29. november
Hyggjuráðið
101668