Livar í Guinnes Rekordbókini

Livar Nysted hevur gjørt nógv um seg seinastu árini, tá tað kemur til rógving. Hann hevur millum annað róð um Indiahavið og Norðuratlantshavið.

Nú hevur hann alment fingið staðfest, at hetta eru heimsmet. Hann fekk post frá Guinnes rekordbókini í gjár, har tað stóð, at hansara met nú eru alment góðtikin, skrivar in.fo.

Fyrsta metið er fyri at hava róð skjótast um Indiahav, og annað er, at hann megnaði at gera tað við einans tveimum øðrum monnum afturat sær. Triðja metið er fyri, at hann hevur róð um tvey heimshøv innanfyri eitt ár.

Livar ætlar at heingja skeytbløðini uppá vesiveggin.

- Eg vil hava tey hangandi á wc. Tað er ein staðfesting av, at metini hava ikki so stóran týdning fyri meg, at skreytbløðini ikki fáa heiðurspláss í stovuni, sigur Livar Nysted við in.fo.