Vísur til mánamorgnar

Íslendska Ása Aðalsteinsdóttir og føroyska Gvøðny Maria Áarstein hittust fyri góðum ári síðan, tá tær byrjaðu at ganga á vísulinjuni á Nordiska Folkhögskolan í Kungälv í Svøríki.

Í byrjanini av háskúlaárinum spældi Gvøðny ikki eingang guitara, men nú, gott ár seinni, hevur hon ferðast runt Suðursvøríki og spælt vísukonsertir við bólkinum Mental Vistid, ið hon mannar saman við trimum øðrum næmingum á skúlanum.

Fríggjadagin spældu Gvøðny og Ása konsert saman í Stokkholm, og síðan komu tær beinleiðis til Keypmannahavnar á FRIGG festival. Hesar báðar upptøkurnar eru gjørdar á grasinum í Kongens Have.

Gvøðny syngur Krematoriet eftir Oskar Emanuel Molin, sum eisini er næmingur á háskúlanum. Krematoriet er ein vøkur vísa um lívið og tað, vit sakna, tá vit ikki eiga tað longur.

Ása syngur Hyllningsvisa till lesbiskt sex eftir Maud Lindström, sum er ein skemtilig lýsing av, hvussu skjótt alt tað, vit hildu okkum vita um okkum sjálvi, kann broytast eftir eitt váttligt kvøld.