Manglar orgasman?

Fyri stuttum vísti ein kanning hjá the Journal of Sexual Medicine, at konufólk í føstum parlagi uppnáa kynsligan fulnaða 62.9% prosent av ferðunum, tær hava samlegu, meðan mannfólk fáa avgongu 85.1% av ferðunum.

Tó vísti kanningin eisini, at samkynd konufólk oftari uppnáa fulnaða undir samlegu enn hinskynd konufólk, og at hetta allarhelst kemst av, at kvinnur í samkyndum parløgum ofta ikki leggja líka nógvan dent á penetratión.

Sambært kynslívsfrøðinginum, Pepper Schwartz, eru kvinnuligu kynsgøgnini ikki gjørd til at uppnáa fulnaða einans gjøgnum penetratión. “Flestu nervarnar sita í klitoris og fáar sita langt inni í skeiðini,” sigur Schwartz.

“Tí er týdningarmikið fyri kvinnur at kenna sín kropp og at vita, hvat tendrar seg. Er klitoris lykilin til tína orgasmu, ber til at stimbra hana við fingrunum ella einum vibratori undir sjálvari samleguni.”

Eisini leggur Schwartz dent á forspæl: “Bíða við samlegu til tú ert beint við at koma, so er nógv stórri kjansur fyri, at tú kemur undir sjálvari samleguni.”

Tó heldur hon tað týdningarmiklasta vera, at vit broyta almenna hugburðin til kvinnuligu orgasmuna. “Tað er eingin orsøk til, at nøkur kvinna skal halda, at hennara orgasma ikki er nóg góð, bara tí at ein murtur ikki er í henni, meðan hon kemur."


kelda: Buzzfeed