Annika byrjar Við Múrin

Um fáar minuttir trínur bert 15 ára gamla Annika Malunardóttir á pall í Kirkjubø. Annika er ikki bert millum yngstu tónleikararnar á festivalinum, hon er samstundis tann fyrsta, sum skal trína á pallin og harvið opna festivalin.

- Tað kennist væl at byrja festivalin, men ikki nógv øðrvísi, enn skuldi eg spælt eitt annað tíðspunkt. Óansæð eri eg ótrúliga spent og gleði meg bara at syngja og spæla og vísa fram tað, eg havi, sigur Annika, sum gleðir seg at byrja festivalin.

Annika skal spæla á Okkara palli kl. 19.00. Hóast hon bert er 15 ára gomul, so hevur hon skrivað fleiri løg sjálv. Í høvuðsheitum fer hon at spæla síni egnu løg. Annika trínur somuleiðis einsamøll á pallin við gittara.