So long, harra Cohen

Best kenda lagið hjá Leonard Cohen má vera tað so mangan tulkaða hittið "Hallelujah", sum varð útgivið í 1984. Cohen gjørdist eitt stórt navn longu í 60'unum, men so seint sum oktobur í ár gav heimskendi kanadiarin út enn eina fløgu. Hesu ferð við heitinum You Want It Darker.

Við amerikanska blaðið New Yorker segði Leonard Cohen í samband við fløguútgávuna, at hann var til reiðar at doyggja. Og í gjárkvøldi legði hann so árarnar inn, tann 82 ára gamli og nógv virdi sangarin og yrkjarin úr Kanada.

Í morgin ger Kringvarpið eina sending til minnis um Leonard Cohen. Lurta við í Útvarpinum millum klokkan 13.00 og 15.00.