Jodel: Føroyskir útisetar seta gongd á appina
- Jodel í Føroyum er sum eitt hemmiligt intranet fyri útisetar, skrivar ein av útisetunum, ið helst er komin til Føroya á jólum
21. desember 2016

 

 

 

 

Lutfalsliga nýggja appin "Jodel" hevur sín uppruna í Týsklandi og varð gjørd við tí endamáli at vera ein pallur fyri lesandi á skúlaøkjum til dulnevnt at deila skemt, søgur og slatur uttan at skula leggja navn til. Í Danmark og øðrum londum við hevur Jodel av álvara sligið seg fast sum ein app, tú bara mást hava. 

 

Í Føroyum er støðan ikki heilt tann sama. Jodel er enn ikki nakað, vit í Føroyum hava tikið til okkum í eins stóran mun sum eitt nú ask.fm. Tó er lív av álvara komið í appina í seinastuni, helst tí at útisetarnir eru komnir heim til jóla.
 


Tað eru óivað nógv í Føroyum, ið enn ikki vita um appina. Hon er einføld, og tú skalt ikki upprætta tær ein brúkara. Tú tekur bara appina niður, og so ert tú í gongd. Hugsanin aftan fyri Jodel er tann, at títt "feed" av uppsløgum er heintað frá persónum í umráðnum tætt við teg. Tí skal Jodel kenna tína plasering, áðrenn tú kanst byrja. 
 

 

Tá tú deilir eitt uppslag, eru tað tí bara persónar við appini í umráðnum nærindis teg, sum síggja tað. Tað verður víst við tekstinum "tæt på" ella "meget tæt på", og meira fært tú ikki at vita um avsendaran. Umframt at viðmerkja uppsløgini, ber til at stemma upp og niður við sokallaðum karma-points. Tú byrjar við 100 karma-points, og hvørjaferð títt uppslag fær eina positiva stemmu, fært tú 1 karma-point. 

 


Her er eitt dømi um, hvussu Jodel virkar. Tølini á høgru síðu vísa, hvussu nógvar stemmur upplsagið hevur fingið. Uppsløgini á myndini omanfyri eru undir "Højeste", altso eru hetta tey uppsløgini í givna umráðnum, sum hava fingið flest stemmur. 
 

 

Áðrenn útisetarnir komu heim aftur, var Jodel rættiliga deytt. Tað gingu ofta dagar, ja enntá vikur millum uppsløgini, og nógv av uppsløgunum snúðu seg ofta um, hvussu vánaligt Jodel er í Føroyum. 

 

 


 

Væntast kann, at Jodel fer at hertaka Føroyar í næstum. Bara í dag kunnu teljast sjey uppsløg, sum er nógv í mun til, hvat tað plagdi at vera í Tórshavn. 

 

 

 

 

 

Nøkur ráð til tín, ið nýtir ov nógvar pengar Einki er so gott sum kenslan, vit fáa, tá lønin kemur. Vit kunnu fara á café, shoppa, spontanar túrar í býin og ikki minst keypa í kantinuni í skúlanum. Men tann ringasta kenslan er, tá kontoin er á null. Mánaðurin er hálvrunnin, og tað eru eini tíggju dagar til næsta lønin kemur, og ætlanirnar, vit høvdu fyri framman, fara til einkis
Michelinstjørna? Hvat er tað? Vit hava fingið fyrstu Michelinstjørnuna í morgun. Men veitst tú akkurát, hvat tað merkir? Vit hava lisið uppá
Íslendski forsetin vil steðga ananas á pitsa Íslendski forsetin vil vera við, at ananas ikki hoyrir heima á eini pitsa. Hann fer enntá so langt, at hann sigur seg stuðla einum banni
Kurt Cobain 50 ár í dag 90’ara andlitið hjá lægra miðalklassanum og fortalarin fyri allar ørkymlaðar og misskiltar tannáringar seinastu 20 árini hevði í dag fylt 50 ár, og vit minnast hann kring allan heimin
Fastalávint í býnum Lív í býnum, reyðar linsur í eygunum og ókeypis atgongd til ymsu klubbarnar, um tú ert í grýlubúna. Skjótt er aftur fastalávint í býnum, men hvat skal man finna uppá at vera í ár?