Songhoy Blues á G!

G! festivalurin hevur nú kunngjørt fyrsta bólkin á skránni, nemliga Songhoy Blues, sum m.a. eisini spældu á Roskilde í summar. Limirnir í bólkinum eru frá Malia og flýggjaðu frá heimbýnum í norður Mali, tá radikalir islamistar tóku yvir í økinum. Tá teir vóru komnir til tryggari umstøður í býnum Bamako, avgjørdu teir at byrja ein bólk, og ferðast teir nú kring allan heimin og framføra teirra serstaka tónleik, ið kann lýsast sum eitt slag av rútmiskum, elektriskum blues.