- Tað var ikki so torført at verja málið

Spenningurin var høgur, tá dysturin byrjaði, og mong vóru tey, ið vóru komin at hyggja at dystinum. Tað gekk ikki leingi, áðrenn tað fyrsta málið kom, og tað var til Turkaland. Men føroysku kvinnurnar herjaðu á, og so varð støðan 1-1. Tá smáir 20 minuttir vóru eftir, kom seinasta og avgerandi málið. Støðan var nú 2-1 til Føroyar, sum eisini gjørdist endaliga úrslitið. 

Eftir dystin tosaði Røddin við málverjan hjá Føroyum, Onnu Sunadóttir Hansen.

- Tað vóru nøkur sera ‘beint á’ skot, so tað var ikki so torført at verja.

Liðið spældi sera væl saman, og serliga var verjan í essinum undir øllum dystinum, meinti Anna.

- Annika Olsen hevur lovað okkum eina trý-rættaða menu, og tað hopi eg, at vit fáa. Hon hevur bara at halda ta avtaluna, sigur Anna.