Farstøðin skal ikki svíða fyri dynamittinum

<div>Nýggja farstøðin skal ikki svíða fyri tað, at vøllurin kostar 15 milliónir meira, tí gamalt dynamitt skal burturbeinast.</div><div><br></div><div>Vága Floghavn vil hava pengarnar frá danska statinum, sum læt føroyingar yvirtaka flogvøllin við dynamittinum. &nbsp;Talan kann eisini verða um at fara eftir byggifelagnum E. Pihl og Søn, sum útbygdi flogvøllin síðst í sjeytiárunum.</div><div><br></div><div>Men fyri fyrst leggur Vága Floghavn pengarnar út, sigur nevndarforkvinnan, Kitty May Ellefsen, við Útvarpið.</div><div><br></div><div>Vinnumálaráðið, sum varðar av Vága Floghavn, hevur sett seg í samband við ríkismyndugleikarnir og latið teimum tilfar í málinum, og vónir eru um, at danska stjórnin fer at gjalda fyri at rudda ósprongda spreingievnið á flogvøllinum, sigur Kitty May Ellefsen.</div><div><br></div><div>Vága Floghavn og byggifelagið J. og K. Petersen hava gjørt sáttmála um, at byggifelagið beinir fyri dynamittinum. Alt arbeiðið skal vera liðugt 31.august. &nbsp; &nbsp;</div>