Sjúkrakassagrunnur skal menna heilsuøkið

<div>Í vár verður ein nýggjur grunnur stovnaður, sum skal menna heilsuøkið í Føroyum. Stovnsfæið hjá grunninum verður 25 milliónir krónur. Hetta eru pengar, sum sjúkrakassarnir áttu, tá teir noyddust at víkja fyri Heilsutrygd.</div><div><br></div><div>Í gjár legði Karsten Hansen, landsstýrimaður í heilsumálum, fram uppskotið um Sjúkrakassagrunn Føroya. &nbsp;</div><div><br></div><div>Endamál grunsins er at veita stuðul til átøk og verkætlanir, sum kunnu menna heilsuøkið í Føroyum, men sum ikki eru partur av rakstrinum av heilsuverkinum annars. Talan kann vera um gransking og upplýsing. &nbsp;</div><div><br></div><div>Ein nevnd verður sett at stýra Sjúkrakassagrunninum.</div><div><br></div><div>Drúgvar samráðingar hava verið millum Heilsumálaráðið og Meginfelag Sjúkrakassa Føroya um ognirnar hjá teimum 11 sjúkrakassunum.</div><div><br></div><div>Sjúkrakassarnir høvdu ta fatan, at talan var um ogn hjá sjúkrakassunum sum verandi privat feløg, men Heilsumálaráðið vísti á lógina um sjúkrakassar, sum sigur nakað annað.&nbsp;</div><div><br></div><div>Nú eru partarnir vorðnir kortini samdir um, at allar ognir, pengar og hús, hjá sjúkrakassunum fara í nýggja grunnin.&nbsp;</div><div><br></div><div>Bygningurin hjá Havnar Sjúkrakassa er ikki við í stovnfænum enn, tí hann er ikki seldur. Bókaða virðið er tvær milliónir og 240.000 kr. Men í 2010 varð mett, at hann kundi seljast fyri mangt slíkt, ella 8,5 milliónir.</div><div><br></div><div>Sambært uppskotinum um viðtøkur fyri grunnin kann nevndin stovna eina ískoytistrygging, har sum limir kunnu fáa ískoyti til sjúkraviðgerð, heilivág og annað.&nbsp;</div><div>&nbsp;</div><div><br></div>