Nevnd skal kanna skattatrýstið

Javnaðarflokkurin hevur skotið upp, at løgtingið skal heita á landsstýrið um at seta eina nevnd at kanna og leggja fyri tingið lógaruppskot, sum hevur til endamáls at minka marginalskattatrýstið og lønarskattatrýstið.&nbsp;<div><br></div><div>Eisini skal nevndin vísa á ein ábyrgdafullan hátt at fíggja eina slíka skipan.</div><div><br></div><div>Í nevndini skulu sita umboð fyri allar flokkar á tingi, fyri løntakarar og arbeiðsgevarar, og fakfólk, t.e. skatta-, búskapar- og samfelagsfrøðingar.</div><div><br></div><div>Javnaðarflokkurin sigur, at tað er ivasamt, um skipanin við at skatta eftirløn við inngjald at fíggja ein skattalætta, sum samgongan hevur sett í verk, er ein verulig fígging.&nbsp;</div><div><br></div><div>Flokkurin sigur, at hetta er at framskunda inntøkur til skattalætta - inntøkur, sum ikki verða tøkar í framtiðini, tá lutfalsliga nógv fleiri gomul verða enn í dag. Avleiðingarnar av hesum kenna vit ikki, sigur Javnaðarflokkurin.&nbsp;</div><div><br></div><div>Sambært Hagstovuni er skattaprosentið í Føroyum 42 prosent av tøku bruttotjóðarúrtøkuni, meðan skattatrýstið í Danmark var 48 prosent og Íslandi 43 prosent í 2008-tølum.&nbsp;Aðrir skattir og avgjøld eru eisini roknað upp í samlaða skattatrýstið.&nbsp;</div><div><br></div><div>Javnaðarflokkurin heldur, at hetta er greið ábending um, at rúm er fyri einari fult fíggjaðari skattaumlegging í Føroyum, uttan at økja bygnaðarliga hallið á fíggjarlógini.</div><div><br></div><div>Uppskotið kemur til fyrstu viðgerð í tinginum týsdagin.&nbsp;</div>