- Tíðindi, mentan og ítróttur
Kann ikki burturvísa næmingi fyri ólógliga parkering
<div>Skúlin í Hoydølum hevði onga heimild til at burturvísa einum næmingi fyri at seta bilin á skeivum staði. </div><div><br></div><div>Ásetingin um revsing í skilhaldsreglunum hjá Føroya Studentaskúla og HF-skeiði í Hoydølum skal strikast. </div><div><br></div><div>Tað sigur Løgtingsins umboðsmaður, sum eisini hevur biðið Mentamálaráðið um at strika ásetingina um revsing í kunngerðini, sum reglur skúlans vísa til. </div><div><br></div><div>Skúlin í Hoydølum eigur skjótast gjørligt at strika ásetingina um burturvísing fyri at bróta skilhaldsreglur skúlans. </div><div><br></div><div>Løgtingsins umboðsmaður hevur viðgjørt nógv umrødda málið um næmingin í Hoydølum, sum varð burturvístur fyri at bróta reglur skúlans um parkering.</div><div><br></div><div>Niðurstøðan hjá Løgtingsins umboðsmanni er greið: </div><div><br></div><div>Avgerð skúlans, sum Mentamálaráðið annars staðfesti, var ólóglig.</div><div><br></div><div>Løgtingsins umboðsmaður sigur, at tað er ein rótgrógvin løgfrøðilig fatan, at greið lógarheimild krevst til at áseta revsing fyri at bróta eina lóg ella eina kunngerð. Føroya Studentaskúli og HF-skeið kann tí ikki brúka eina grein í studentaskúla-kunngerðini sum heimild til at burturvísa einum næmingi fyri brot á reglur skúlans um parkering. </div><div><br></div><div>Til tess krevst, at løgtingslógin um studentaskúlar hevur eina greiða áseting, sum loyvir revsing fyri brot á skilhaldsreglur skúlans. </div><div><br></div><div>Og tað hevur lógin ikki. </div><div><br></div>
