- Tíðindi, mentan og ítróttur
Samgongan tekur ikki undir við tiltøkum at lækka prísir
<p>Samgonguflokkarnir í vinnunevndini taka ikki undir við uppskotinum frá Javnaðarflokkinum um politisk tiltøk, sum kunnu lækka prísirnar í Føroyum.</p><div>Alffed Olsen, Hanus Samró, Jógvan Skorheim og Bjarni Djurholm mæla hinvegin løgtinginum frá at samtykkja uppskotið.</div><div><br></div><div>Vinnunevndin hevur m.a. havt fund við Hera á Rógvi, sum gjørdi kanningina um prísstøðið í Føroyum, Maritu Rasmussen, stjóra í Vinnuhúsinum, og umboð fyri handilsvinnuna. </div><div><br></div><div>Kanningin hjá Hera á Rógvi vísir, at Føroyar eru millum dýrastu lond í Evropa.</div><div><br></div><div>Andstøðan í vinnunevndini, Aksel V. Johannesen, Bjørt Samuelsen og Janus Rein, tekur undir við uppskotinum. Tey siga, at matvørur, gerandisvørur, ferðaseðlar og tænastur kosta ov nógv, og tað má gerast bíligari at virka og liva í landinum. </div><div><br></div><div>Andstøðuflokkarnir í vinnunevndini halda, at tað heilt einfalt er ein skylda hjá politisku skipanini at gera tað, sum gerast kann, til tess at lækka kostnaðarstigið.</div><div><br></div><div>Av tí at tað sambært tingskipanini ikki ber til samtykkja uppskotið frá Javnaðarflokkinum, soleiðis sum tað er orðað, mæla Aksel V. Johannesen, Bjørt Samuelsen og Janus Rein til at broyta uppskotið soleiðis, at tað í staðin verður heitt á landsstýrið um at leggja fyri tingið eina frágreiðing við tilmælum um, hvørji ítøkilig politisk tiltøk skulu til fyri at lækka prísstøðið í Føroyum. </div><div><br></div><div>Málið kemur til aðru viðgerð í tinginum fyrrapartin í morgin. </div>
