- Tíðindi, mentan og ítróttur
Kostnaðarendurgjaldið verður neyvan broytt
<div>Bárður Nielsen, Jákup Mikkelsen, Rodmundur Nielsen og Bill Justinussen, sum umboða samgonguna í fíggjarnevndini, mæla løgtinginum frá at samtykkja uppskotið um at lækka kostnaðarendurgjaldið.</div><div><br></div><div>Rigmor Dam, tingkvinna, hevur lagt fram uppskot til samtyktar um at gera tillagingar í kostnaðarendurgjaldinum í lógini um samsýning og eftirløn løgtingsmanna.</div><div><br></div><div>Hon vísir á, at lógin frá 1999 endarspeglar ikki veruligu ferðaútreiðslurnar, nú samferðslan er munandi útbygd, og tí skal kostnaðarendurgjaldið dagførast og lógin endurskoðast.</div><div><br></div><div>Meirlutin í fíggjarnevndin hevur ikki somu áskoðan. </div><div><br></div><div>Víst verður á, at tingmannalønin uttan kostnaðarendurgjald er 35.500 krónur um mánaðin. Harafturat kemur skattafría kostnaðarendurgjaldið, sum er dagpeningur og koyripeningur. </div><div><br></div><div><b>Norðoyingar fáa mest</b></div><div><br></div><div>Tað verður goldið í samsvari við frástøðuna hjá tingfólki. Tingfólk í Suðurstreymi fáa minst, 2.000 krónur um mánaðin, og norðoyingar fáa mest 5.700 krónur um mánaðin. Harumframt fáa øll tingfólk 2.000 krónur í samskiftisviðbót um mánaðin.</div><div><br></div><div>Meirilutin heldur, at uppgávan at broyta lógina um samsýning og eftirløn løgtingsmanna liggur hjá formansskapinum, og tí er óneyðugt at heita á formansskapin um hetta.</div><div><br></div><div>Minnilutin, Aksel Johannesen, Kristina Háfoss og Eyðgunn Samuelsen, sigur í viðmerkingum sínum, at kostnaðarendurgjaldið í flestu førum er munandi hægri enn útreiðslurnar, løgtingslimir hava at ferðast millum bústað og arbeiðspláss. </div><div><br></div><div>- Tí er kostnaðarendurgjaldið í ávísan mun eitt skattafrítt lønarískoyti. Minnilutin mælir løgtinginum til at samtykkja uppskotið.</div>
