- Tíðindi, mentan og ítróttur
Fekk ongan pening í fjør
<div>Tvøroyrar kommuna rindaði ikki Ólavi Rasmussen tær 600.000 kr. í fjør, sum býráðið samtykti, at hann skuldi fáa fyri at arbeiða við Salt-verkætlanini.</div><div><br></div><div>Tað sigur borgarstjórin í teldubrævi til Fíggjarmálaráðið stutt fyri jól í fjør. </div><div><br></div><div>Fíggjarmálaráðið gjørdi býráðið vart við, at pengarnir skuldu gjaldast í fíggjarárinum 2011.</div><div><br></div><div>Men Ólavur Rasmussen hevur eina fráfaringaravtalu við Mentamálaráðið, og so skuldi samsýningin frá Tvøroyrar kommunu fyri tíðarskeiðið 1.juli í 2009 til 1.juli í 2010 mótroknast har.</div><div><br></div><div>Hálvan desember í fjør spurdi Fíggjarmálaráðið býráðið, um kommunan hevði goldið samsýningina fyri hetta árið. Nakrar dagar seinni svarar borgarstjórin, at tað hevði kommunan ikki. </div><div><br></div><div>Kristin Michelsen, borgarstjóri, hevur sagt við Útvarpið, at kommunan hevur onga avtalu gjørt við Ólav Rasmussen um samsýningina. Talan var bara um eina býráðssamtykt.</div><div><br></div><div>Fíggjarmálaráðið segði, at kommunan kundi ikki bíða við at rinda samsýningina til í 2013, tá Salt-verkætlanin skuldi vera liðug, tí býráðið, sum var í 2010, kann ikki binda býráðið, sum verður í 2013, fíggjarliga.</div><div><br></div>
